Page 3 - merged

20 AWEMainta Diamars, 16 Februari 2016

Cooperacion estrecho pa
investigacion internacional di
genetica di Calco

DURANTE di e siman aki, di 8 pa 12 di februari, sr. Erik Boman Ph.D.

studiante di Wageningen, trahando cu dr. Nathan Truelove di Smithsonian
Marine Station di Fort Pierce, Fl., Merca, tabata aki na Aruba pa colecta
muestranan di tehido di Calco. E estudio aki ta un continuacion di un
estudio regional cu ya Aruba a participa aden na 2014, e tempo ey cu dr.
Adeljean Ho colectando e materialnan cu asistencia di Aruba Reef Care
Foundation (ARCF), Aruba Marine Park Foundation (AMPF) y Santa Rosa
(LVV).

Sres. Castro Perez y Byron Boekhoudt a encabesa e team local trahando
cu sr. Boman pa coleccion y extraccion di material. E trabounan ta ensera,
uso di boto di AMPF, ekipo y boluntarionan di ARCF, facilidadnan di
Fundacion Centro di Pesca Hadicurari y mas cu claro conocemento
personal di esnan envolvi, pa sali haci varios sondeo y coleccion di calco y
subsecuente extraccion di tehido (carni). E trabounan ta ensera varios ora
di nabegacion compaña pa buceamento y si logra haya calconan necesario,
lo saca tehido chikito di e calco.

Unabes completa, lo bay bek n’e lugar unda a saca e calconan pa benta
esakinan bibo bek na awa. Ta trata pues di un coleccion, no letal, unda
e organismo ta keda bibo. Ademas e proyecto a conta cu aprobacion di
Servicio Veterinario (CITES) pa haya excepcion pa trata cu especienan
protehi pa ley. Na Aruba tur 5 especie tipo di calco ta completamente
protehi pa ley.

Un biaha mas, e cooperacion
estrecho entre diferente
instancia, tanto local como
internacional, gubernamental y
no-gubernamental, ta duna su
fruto. Riba e fotonan adhunto
por mira parti di e trabounan
efectua. Aruba a demostra di
tin capacidad riba e tereno aki.
E sondeo inicial ta indica cu
Aruba tin un poblacion sano
di Calco cu gran cantidad di
ehemplar jong, bou di e tamaño
recomenda pa cultivo pero cu
tin di monitorea nan desaroyo
cuidadosamente.