Page 41 - JUS APRIL 14

AWEMainta Diahuebs, 14 April 2016 15

Parlamentario Desiree de Souza Croes DURANTE di tratamento di presupuesto di DOW

Lider di MEP ta dia 21 diamars ultimo, miembro di fraccion di AVP,
#BENDEDORDIPATRIA mr. Desiree de Souza Croes, a reacciona contra
di e comportacion di varios miembro di fraccion
di oposicion di MEP contra tanto Minister Benny
Sevinger como tambe e miembronan di fraccion di
AVP. Segun Desiree de Souza Croes, por a scucha
varios miembro di oposicion haci uzo di palabranan
grandi den Parlamento, manera e.o. ‘sinberguensa’
y otro palabranan ofensivo sin mira loke ta pasando
den nan propio seno.

E miembro di fraccion di AVP a mustra cu na
momento cu cualkier miembro di fraccion di
MEP kier califica un hende pa sinberguensa, nan
tin cu mira den direccion di nan lider, kende tin
amigonan politico na Hulanda, cu ta discrimina
contra Arubianonan.
E lider di MEP ta sinta saca foto cu un politico cu ta
ofende pueblo di Aruba, cu ta bon conoci tambe di
ta un racista y ta ofende pueblo di Aruba, Corsou
y Sint Maarten, na cantidad di ocasion.

Aki Parlamentario Desiree de Souza Croes a referi
n’e politico Andre Bosman, kende den pasado a
entrega un proyecto di ley na Parlamento Hulandes
caminda e ta propone pa bin cu color diferente
di paspoort pa Arubianonan y tambe pa otro
ciudadanonan di Corsou y Sint Maarten.
Lider di MEP ta bishita, brasa y sinta combersa c’un
politico cu e.o. a ofende henter pueblo di Aruba,
bisando cu e Arubiano ta hende floho y cu si ta
posibel tur Arubiano lo bay biba na Bonaire pa cobra
uitkering eynan sin traha.

E relacion, amistad y e rol como consehero di
Andre Bosman pa cu lider di MEP a bira ainda mas
convincente ora cu durante di un intercambio riba
red social, caminda Bosman ta manda un conseho
pa Evelyn Wever Croes, bisando: “Misschien goede
tekst voor volgende begrotingsbehandeling op
Aruba?” y aki e lider di MEP a reacciona yamando
e politico Hulandes cu tur confiansa na su prome
nomber y bisando: “Andre, inderdaad, goede tekst
voor di volgende begrotingsbehandeling.”

“Aki tur hende por mira cu e amistad profundo cu
tin entre e lider di MEP y Andre Bosman ta real y
cu hasta e lider di MEP tin e politico Hulandes aki,
como consehero pa su persona y pa partido MEP.
Un consehero cu no ta gusta Arubiano, cu tin
concepto negativo di tur Arubiano pero ta net e
hendenan aki e lider di MEP ta cana tene man cu
nan y ta bishita e hendenan aki pa sigui ofende nos
pueblo,” Desiree de Souza Croes a trece dilanti
durante di tratamento di presupuesto di DOW.