Page 14 - ATA 7 MAART 2016
P. 14
16 AWEMainta Dialuna, 07 Maart 2016
Minister Oduber durrante apertura
oficial di exposicion den Hilversum
Musuem
“Gezichten
van Aruba” ta
demostra e
cultura vibrante
di Aruba atrabes
di nos hendenan
DIASABRA na madre patria Hulanda tabatin e apertura oficial
di un exposicion yama “Gezichten van Aruba” den Hilversum
Musuem. Un exposicion cu ta dedica completamente na nos
celebracion nacional di 30 aña di nos Status Aparte unda e artista
Hulandes Raymond Rutting ta ilustra e beyesa di nos isla den
un forma diferente. Na luga di enfoca riba nos beachnan of otro
atraccionnan cu ta forma parti di e bunitesa di nos isla, a dicidi
di demostra e cultura vibrante di Aruba atravez di nos hendenan.
Minister Otmar Oduber ta indica cu Aruba un biaha mas a sa di
hala atencion cu e exposicion aki. Durante e apertura oficial un
gran cantidad di bishitante a bini hunto pa asina forma parti tambe
di apertura oficial na madre patria Hulanda di e celebracion di
Aruba su 30 aña di Status Aparte y 40 aña di Himno y Bandera. Pa
e celebracion di 30/40 aki ATA, Arubahuis y Hilversum Museum a
uni y colabora pa presenta e exposicion di “Gezichten van Aruba”.
Durante e anochi di apertura tabata presente Ganzevoord,
Presidente di comision di 1ste Kamer encarga cu Asuntonan di
Reino, Minister Plasterk y Minister Plenipotenciario sr. Alfonso
Boekhoudt, un gran cantidad di politiconan activo, pero tambe ex
politiconan, amigonan di Aruba y un gran cantidad di Arubianonan
cu ta biba na Hulanda.
Minister Oduber a ricibi den nomber di Aruba felicitacion y bon
deseonan di parti Minister Plasterk pa e 30 aña di Status Aparte
y su continuacion.
E mandatarionan a recori un biaha mas e relacion cu tabata tin
entre Hulanda y Aruba, e lucha cu a cuminsa for di añanan 40 unda
Shon “A” como tambe Sr. Henny Eman cu a entrega e tempo ey
e mocion cu tur e firmanan riba dje cu despues a keda concretisa
pa Sr. Betico Croes.
“Gezichten van Aruba” su apertura, no tabata uno manera di
custumber cu su recepcion protacolario pero den un scenario
caluroso a mustra un cara diferente di pais Aruba, 30 diferente
cara, unda cu tur presente tabata entusiasma y a keda hopi
impresiona cu e exposicion aki.
