Page 35 - ATA 7 MAART 2016

AWEMainta Dialuna, 07 Maart 2016 9

Diasabra mainta

Cruz Cora Aruba
tabata activo na
Riu Hotel dunando
asistencia na nos
turistanan

RIBA diasabra pa 9.30 di mainta, Cruz Cora Aruba

a ricibi un yamada pa pidi asistencia na RIU Palace y
RIU Antillas ya cu tin un candela y mester yuda cu e
huespednan di hotel.
Mesora a manda un mensahe pa boluntarionan y nan
a cuminsa acudi na Cruz Cora na Dakota.

Ya pa 10.05 a mobilisa 24 boluntario pa RIU Palace y
RIU Antillas. A parti e boluntarionan den 3 grupo pa
asina yuda huespednan cu mester tuma vuelo e mesun
dia, otro grupo pa yuda huespednan cu mester tuma
nan medicamentonan y e otro grupo pa huespednan
cu asistencia medico.
Otro boluntarionan a guia huespednan pa nan busca
nan pertenencianan den camber y bay check out y
registra na RIU Antillas. A parti awa pa hulpverleners
y huespednan. Tambe a acudi pa un team di PSP, esta
Psychosocial Support di Cruz Cora y a traha un team
di 7 boluntario specialisa den PSP.

En total a traha mas cu 30 boluntario durante 6
ora largo pa por a duna tur sorto di asistencia na e
huespednan di nos isla na RIU hotel.

Cruz Cora Aruba kier gradici cada boluntario cu a
acudi mesora pa yuda y a haci esaki cu hopi dedicacion
y curason. Tambe kier gradici KPA, Brandweer, DVG
y DAS pa e bon cooperacion.