Page 8 - AWEMAINTA050522

Diahuebs 05/05/2022

Adulto, baby, hoben y cacho

envolvi den accidente di cuatro auto

Diaranson den careda di 10’or di mainta a sosode un

accidente cu hopi daño material y cu varios herido, un poco
mas pabou di e rotonde di Paradera.

Un Toyota 4Runner bayendo direccion pariba, e chauffeur ho-
ben, no a controla su velocidad na tempo y a dal patras di un
Hyundai Accent Shinishi, cu tambe tabata bayendo direccion
pariba. E impacto tabata asina fuerte cu e Hyundai Accent a
bira na su man robes y a dal contra e Kia Rio berde cu tabata
bayendo direccion contrario, direccion pabou. E impacto aki
a pone cu e Hyundai Accent a keda cara pabou y e Kia Rio a
bira cara pazuid.
Patras di e 4Runner preto tabata biniendo un Kia Sportage cu
despues di e impacto, e chauffeur a trata pa no dal patras di e
Toyota 4Runner, pero no por a evita esaki mas y a dal patras
di e 4Runner.

Den e Kia Rio tabata tin tambe un mucha muher hoben, un
baby den su stoel y un cacho chikito.
E dama chauffeur di e Kia Rio tabata herida y a keda pega
den e auto. Den e Kia Sportage tambe tabata tin un dama cu
tabata herida.

Varios patruya di polis a presenta na e sitio y caminda a wor-
do cera. Dos rapid responder di ambulance a yega hopi lihe
na e sitio pa cuminsa duna e prome asistencia medico, mien-
tras cu dos ambulance tabata na caminda. Polisnan di trafico
a presenta na e sitio pa haci e investigacionnan necesario.
Na e sitio a bin nota cu e dama den e Kia Rio tabata pega den
e auto. Materialwagen di brandweer a yega na e sitio y hopi
lihe a corta e porta di auto pa asina por a libera e chauffeur
cu tabata pega.

Mientras cu brandweer tabata cortando e porta di auto, per-
sonal di ambulance a saca e dama herida for di e Kia Sportage
y a hink’e den ambulance. E dama hoben, ocupante di e Kia
Rio, tambe a wordo hinca den e mesun ambulance.
Despues cu e personal di brandweer a libera e dama chauf-
feur for di den e Kia Rio, e dama a wordo hinca den e otro
ambulance hunto cu su baby, nan a wordo transporta pa hos-
pital.
E caminda a keda pa basta rato cera, pa asina polis di trafico
por a haci nan investigacion. Takelwagen a presenta pa hala
e autonan for di riba caminda, pa asina polis por a habri e
caminda bek pa trafico.