Page 34 - AWM 17MARCH2018

34
Competencia di landamento lo ta 17 di maart
celebrando nos dia nacional Himno y Bandera
AWEMainta Diasabra, 17 Maart 2018
DIASABRA 17 maart proximo, Arubaanse
Zwembond, AZB lo celebra nos Dia Nacio-
nal Himno y Bandera cu un competencia
di landamento cu lo cuminsa den oranan di
atardi. E aña varios federacion deportivo a
opta pa celebra nos dia nacional Himno y
Bandera e weekend organisando nan even-
tonan deportivo.
Nan lo organisa un dia di competencia pa tur
e clubnan miembro, esaki den Piscina Olim-
pico Roly Bisslik na Savaneta. Por competi
den e categorianan di 6 aña y menos, 7-8aña
, 9-10 aña, 11-12 aña, 13-14 aña, 15- 17 aña
y 18 aña y ariba y lo tin relays den tur cat-
egoria. Lo bay tin premio den tur evento cu
medaya pa e promer tres puestonan den e
eventonan di 50m, 100 m y estafette. Club.
Notabrl ta cu e competencia di landamento
aki lo bira un bon test pa nos landadonan di
seleccion cu fin di maart lo competi den e
Carifta Games 2018 cu e anja aki lo ser teni
na Kingston, Jamaica. E seleccion ta entre-
nando duro pa dicho competencia y ta spe-
ra di por hasi un tremendo papel pa Aruba
manera semper tabata e caso den pasado.
Stichting Sportsubsidie Aruba ta subsidia e
competencia di landamento celebrando nos
Dia Nacional Himno y Bandera 18 di maart.
Cumprando weganan di Lotto, e Loteria di
Aruba manera Catochi, 1-Off, Big 4, Zodiac,
Wega di Number Korsou, Lotto di Dia, Lotto
5, Mini Mega cu su Mega Plus y e diferente
weganan di Raspa Y Gana bo ta contribui
na deporte riba nos isla. Meta di e funda-
cion ta pa organisa loteria, cambia bida di su
hungadonan y na mes momento inverti den
deporte local pa medio di donacionnan na e
Stichting Sportsubsidie Aruba.