Page 26 - AWM 1JULY2017

26 AWEMainta Diasabra, 1 Juli 2017

E Musical High

Tea di Women’s

Club of Aruba

tabata uno

fabuloso

DURANTE luna di juni, Women’s Club of Aruba
(WCA) a tene su actividad pa recauda fondo pa sigui
cu su proyectonan pa comunidad.
E actividad cu WCA a tene tabata su Musical High
Tea y esaki a ser teni den Marriott Ballroom.
E show di moda di Trash by Ronchi, Lindy Boutique
y Tuxidos by Heidi a impacta masha hopi mes riba
esnan cu a bin disfruta di un dushi atardi cu presen-
tacion nostalgico di Ludwina Booi y musica pegahoso
di Francis Jacobs.
Tambe tabatin un presentacion fantastico di can-
cionnan interpreta pa Edjean Semeleer, kende a fungi
como MC p’e atardi aki.

E hurado den persona di Elvis Lopez tabatin e tarea
difícil di saca e dos mihor premionan di sombre.
Como dama mas elegante cu sombre a keda eligi Lilla
Williams di Dakota, mientras Janine Wouters di Sta.
Cruz a bay cu e premio di sombre mas Caribense.
Pabien damas!

Cu esaki Francceska Vieira, chairman di comision di
Ways & Means, ta manda un danki special na tur
esnan cu a coopera cu e MHT y ta yama danki n’e
negoshinan cu a contribui cu un doorprize p’e evento
aki. Masha danki di curason!