Page 38 - AWM 1JULY2017

38 AWEMainta Diasabra, 1 Juli 2017

Colegio Nacional de Periodistas - Seccional Carabobo

Ta Honra TIBISAY ROMERO

Scirbi pa Clyde Harms

E Colegio Nacional de Periodistas - Seccional Carabobo a scoge Tibisay Romero
como e Periodista di Aña 2016-2017 - Area Digital.
Durante un ceremonia impresionante den presencia di su famia riba Dia di Prensa
Venezolano (27 di juni) e colegio a present’e su Premio de Periodismo “Francisco
J. Ávila”, cu ta menciona “por su destacado labor en portales web informativos
durante el período 2016 – 2017”.

E señora cu a haci e presentacion ta Dhameliz Diaz, conoci na Aruba, pasobra
e tabata e periodista cu tabata presenta e programa matutino di entrevista na
canal RCTV. Awor sra. Diaz ta Directora di e Scol di Comunicacion Social di e
Universidad Arturo Michelena di Valencia. Sra. Diaz a forma parti di e hurado
cu a scoge tur e ganadornan.

Tibisay Romero ta traha na Valencia p’e corant digital El Estimulo y pa Unión Radio Valencia.

Esaki a sali den TWITTER algun dia pasa:

#Atención @tibisayromero y @dayriblanco07 fueron apuntadas por la
GNB cuando cubrían represión a opositores en CNE Carabobo.

Poniendo su propio bida den peliger, Tibisay a cubri tur e protes-
tanan den caya di Valencia y a scirbi extensivamente di nan.

Ami ta lesa El Estímulo regularmente y mi a desaroya un admira-
cion grandi p’e trabou di Tibisay y su coleganan.

Tibisay ta esposa di e psicologo Arubiano Roberto Leal, kende
ta traha den un clinica na Noord. Nan yiu muher Oriana Leal ta
sigui paso di su tata, studiando psicología Pontificia Universidad
Javeriana na Bogotá, Colombia.

Aña pasa Tibisay tabata na Aruba p’e Nuevo Mundo Festival y
el a scirbi di Aruba y su hendenan. E aña aki e ta spera di duna
publicidad di e Festival na Venezuela aunke e no sa si e mes por
bin na su isla stima.
Pabien di curason, Tibisay, hopi exito mas den futuro, pero bay
cu calma, cuida bo curpa. clydeharms@yahoo.com

Tibisay cu Roberto recientemente
den Jack’s Cafe di Super Food