Page 12 - KPA 7 MAART 2016
P. 12
Husticia di Aruba a intercepta lote grandi di droga
Sunday, 06 March 2016 12:43
Comparti
Diasabra mainta Warda Costa di Caribe Hulandes hunto cu Polisnan di Unit Georganiseerde
Criminaliteit a intercepta e barco "Oceanic1" den awa teritorial di Aruba.
Despues cu a board dicho barco, a bin encontra un cantidad considerabel di droga abordo. E droga tabata
bon warda y bon paketa.
A dicidi mesora pa trece e barco den waf pa sigui cu listramento hunto cu Douane, Recherchenan di
UGC, Warda Costa di Caribe Hulandes y Polisnan Maritimo.
Te awor tin 7 persona/tripulante deteni den e investigacion. Nan nacionalidad ta varia entre Colombiano,
Venezolano, Hondureño y Dominicano.
Recherchenan di “Unit Georganiseerde Criminaliteit” a tuma e investigacion over pa sigui procesa,
interoga y investiga e sospechosonan envolvi. Cu intercepcion di e lote grandi di droga aki, autoridadnan
di Aruba ta dal baho mundo di droga un otro sla duro y ta mustra mundo henter cu nos ta un partner
confiabel den e lucha di combatimento di criminalidad internacional.
http://www.24ora.com/policial-mainmenu-8/106029-husticia-di-aruba-a-intercepta-lote-grandi-di-
droga
