Page 9 - KPA 7 MAART 2016

Dyron Franken likida cu varios tiro den area di Noord pa un
desconoci

Monday, 07 March 2016 03:34
Comparti

Dyron Franken a wordo tira mata of likida den Noord. Investigacion ta andando pa asina saca afo kende
a likida Dyron Franken. E tabata basta den noticia ultimamente. 2:13 AM dialuna Polis a haya e melding.
Esnan cu a scucha tiro a bati alarma. Dos tiro mortal un desconoci a los riba Dyron.

E ta basta conoci den Noord y tabata teroriza e area. Famia y habitantenan di Noord tabata tin problema
cu su comportacion. Ningun instancia a reconoce e situacion. Ta Polis tabata atende te caminda cu tabata
por haciendo nan parti tur dia y detene Dyron un of dos biaha pa dia.Principalmente ultimo tempo el a
cuminsa haci cosnan vulgar tambe ora e mira hende muher riba caminda. E tabata papia cosnan masha
bruha. Parce cu a cana basta caminda pa yude. Hasta un Polis lo tabata bezig pa mira con por logre bou
curatela. E caminda di Curatela ta demasiado largo. Mescos cu Dyron tin hopi persona den mesun
situacion na Aruba. Awor Dyron Franken no tey mas. Pas na su restonan. Investigacion ta andando.. Dos
tiro uno den garganta y uno den barica a causa su morto banda di un bari di sushi dilanti di un cas na
Noord. Mester bay haci autopsia pa asina confirma e dos tironan aki. Tambe pa mira si tin mas tiro na su
curpa. Kiko a pasa cu el a wordo tira no ta conoci. E area mes ta banda di Willy's Pool bay zuid y ta un
dead end. E caminda ta caba pasobra despues ta e rooi. Dyron conoce e area pasobra el a lanta den e
barrio. Ta un area basta scur esey ta. Recherche a departamento tecnico a haci nan investigacion na e
sitio. Mas durante dia a keda di bolbe cu e team di recherche pa asina cuminsa mira si bisiñanan por sa
algo di e asunto aki.