Page 19 - KPA 7 MAART 2016
P. 19
Muher ta persigui su homber cu otro muher den auto
causando peliger den trafico
Sunday, 06 March 2016 18:16
Tweet
Comparti
Diasabra den oranan di marduga mas of menos 3:30 un hende a yama polis pa bisa cu banda di veld di
RCA tin dos auto ta bezig ta core tras di otro y dal otro. Polis a core den e area y tambe den e area di Sero
Blanco pero no a haya nada.
Un rato despues polisnan di Santa Cruz a topa cu e dos autonan aki banda di Anytime na Paradera. Parce
cu un muher lo a haya su homber cu un otro muher riba un trip y esaki e crea un problema grandi entre
nan. Un di e partidonan a subi auto pa bay y e otro a sali su tras y e keda dal e otro cu auto. Ora polis
tabata papia cu un dama envolvi den cos aki e tabata hari so y tabata manda insulto y menaza pa e otro
dama cu tabata den auto cu e homber. E daño material na ambos auto tabata basta. Polis a zundranan y
splicanan cu e tipo di cosnan aki ta cos di mucha chikito y cu asina nan ta trece bida di nan mes y otro
hende riba caminda den peliger.
