Page 21 - KPA 7 MAART 2016

Pickup cu a Hit and Run na Pos Chikito haya den Sabana
Basora

Sunday, 06 March 2016 18:10
Tweet
Comparti

Diabierne anochi algo prome cu 12or a drenta melding cu tin un caso di hit and run na Pos Chikito. E hit
and run aki a tuma luga na un skina caminda semper tin problema di gang entre esnan di Sabana Basora
y Pos Chikito.
Na yegada di polis nan no topa ningun victima y tampoco hende cu tin gana di coopera y bisa kiko
precies a pasa. E patruyanan a dicidi di core rond den e area y tira un bista pa wak kiko nan por haya di e
caso aki. Un binti minuut despues nan a haya un Pickup Blanco scondi den mondi banda di santana di
Sabana Basora. E pickup su windshield ta kibra cu cabey pega, y e bumper tabata tin sla na dje. Slanan cu
ta cuadra cu ora bo dal un persona. Tambe e pickup su motor tabata cayente cayente. No ta conoci si e
sospechosonan lo a drenta mondi core bay of si nan lo a subi otro auto y bandona e pickup envolvi. Polis
a confisca e auto pa investigacion.