Page 15 - MIN SJA 1 MAART 2016

Djamars 1 Mart 2016 47

Kontinuashon di pag 5
KORANT SALI FOR

dirigí un mensahe
kla pa sindikatonan,
akshonistanan den EXTRA:
“Pero... nos lo ke mustra
ku tur nos kompañeronan
den lucha, ku kaminda
nan faya i tambe kaminda
e lidernan obreril faya,
nos lo hala nan atenshon
debidamente.”

“EXTRA no a ser
fundá pa kibra ningun
korant, manera a insinuá
infantilmente. EXTRA
ta un proyekto ku mi a
kuminsá realisá for di
aña 1969 i ku a kulminá
awe”. Esaki Eddy Oleana,
fundadó di EXTRA, a skirbi
den e promé edishon di e
matutino aki dia promé di
mart 1976.

E dos korantnan
diario na papiamentu
na momentu ku Extra a
lanta na 1976 tabata La
Prensa, ku tabata eksistí
for di 1928 kaba, fundá pa
Jorge B. Suares, i Nobo di
Carlos Daantje. Nobo a sali
dos aña promé ku EXTRA.
Eddy Oleana tabata traha
pa Nobo bou di direkshon
di Carlos Daantje.

Eddy Oleana den e promé
editorial aki a sigui splika:
“E maneho ku redakshon
di e matutino aki lo hiba
ta unu kaminda nos lo no
basilá ningun momentu
pa trese algu padilanti
ku ta kontra interesnan
di henter e pueblo aki.
Paisnan, islanan, den
sentido bon i sentido malu,
tin e periodismo ku nan
meresé. E por wòrdu drechá
únikamente di akuerdo ku
e pueblonan progresá den
desaroyo i moralidat.”

Tambe Eddy Oleana
a asentuá: “EXTRA no
tin i lo no tin tampoko
afiliashon polítiko. Por
sierto ku en espesial henter
nos personal di redakshon
ta a-polítiko. Ta p’e
motibunan aki mes nos tin
asina bon relashon ku tur,
mi ta ripití, tur eksponente
di partidonan polítiko. Si
un gobièrnu ta hibando un
maneho bon, e ta haña un
‘pluimpje’ serka EXTRA,
pero si nò.... prepará!
Interes di e pueblo aki, pa
nos, ta tur kos.”