Page 20 - MIN SJA 1 MAART 2016

Minister Paul Croes ta duna di conoce cu Entrante prome di
Maart sueldo minimo lo aumenta cu 2.5%

Monday, 29 February 2016 21:16
Comparti

Entrante prome di Maart, conseho di minister a bay di acuerdo cu e aumento di sueldo minimo cu 2.5 %
cu lo ta na vigor entrante prome di maart 2016. Inicialmente e fecha cu tawata proponi pa cu e aumento
aki tawata 1 di februari 2016, pero esaki no a logra pa motibo di textonan huridico cu mester a cana nan
caminda. Sinembargo, awo si entrante prome di maart e sueldo minimo ta bira oficialmente 1677.80.

E aumento aki ta refleha 2.5 porciento compara cu e ultimo biaha cu esaki a wordo introduci. Manera ta
conoci, maneho di Gobiero ta dirigi riba tur e ciudadanonan di nos sociedad y den e caso aki tin un gupo
grandi di nos sociedad cu ta hanjando un sueldo minimo. Pa tal motibo ta hanjele na su lugar despues di
a haci differente consideracion riba e aspectonan di desaroyo economico, crecemento y inflacion pa subi
e sueldo minimo. Tumando tur e consireacionnan aki na cuenta, Gobierno di Aruba, y hunto cu tur e
Ministernan den conseho di Minister a bay di acuerdo pa desvia for di conseho di "sociaal economische
raad" (SER) cu enbes a propone un aumento di 1%. Despues di evalua tur aspecto a dicidi cu desde
prome di Maart ta bira e fecha oficial cu nos ta conoce un aumetno riba e sueldo minimo. Minister Croes
ta considera esaki un aumento chikito y responsabel, pa asina no crea otro efectonan den nos
comunidad. Mientrastanto ta pidi tur comerciante y empleador pa tene esaki bon na cuenta.

http://www.24ora.com/politica-mainmenu-18/105832-minister-paul-croes-ta-duna-di-conoce-cu-
entrante-prome-di-maart-sueldo-minimo-lo-aumenta-cu-25