Page 21 - MIN SJA 1 MAART 2016

Minister Paul Croes Comunidad Dominicano ta uno di
luchadornan

Monday, 29 February 2016 18:09
Comparti

Minister di Asuntonan Social, Hubentud y Labor a presencia ceremonia pa conmemoracion di e 172
aniversario di independencia di Republica Dominicana.
E acto a tuma luga riba Plaza Juan Pablo Duarte na Oranjestad caminda a pone ofrenda floralnanan na
busto di e heroe di mesun nomber. Aki Minister Croes, den nomber di Gobierno di Aruba, a felicita e
comunidad Dominicano residencia riba nos isla y ta califica nan como luchadornan pareu di e figuranan
cu nan ta homenahea.
E mandatario a remarca den su discurso con e esfuerzonan cu e estadista Dominicano a haci siglonan
atras tabata e simia pa un mata cu awendia ta brinda libertad como sombra pa su pueblo. Di mesun
manera, por bisa cu e miembronan di e comunidad Dominicano na Aruba ta sembra cu nan trabou duro
y integracion, e simia cu dia di mañan nos lo goza di dje manera un pueblo uni.
“Nan ta un comunidad cu ta traha hopi duro, cu tur mainta ta lanta y ta aporta na diferente sector y un
biaha mas nos ta celebra hunto cu nan,” asina Minister Paul Croes a comenta. Miembronan di e
comunidad Dominicana ta participa den sector di nos sociedad, den mercado laboral, deporte y den
intercambia cultural. A señala con, por ehempel, ta destaca den tereno di comunicacion y ta papia nos
idioma dunando ehempel asina na otro compatriotanan. Tambe nan ta aporta na nos economia y
desaroyo.
Minister Paul Croes un biaha mas ta extende su palabra di pabien na henter e comunidad Dominicano
residencia na Aruba cu e celebracion di e 172 aniversario di Independencia di nan pais y ta gradici nan pa
nan contribucion na nan di dos pais y hogar, Aruba.

http://www.24ora.com/politica-mainmenu-18/105824-minister-paul-croes-comunidad-dominicano-ta-
uno-di-luchadornan-