Page 43 - MIN SJA 1 MAART 2016

MAYORNAN CU NO TA ACEPTA
Ora un yiu haci cos di malcria, ta deber di e mayor pa coregi e yiu y mustr’e ariba su fout. Pero algo
cu ta hopi comun awendia, ta cu ora cu un yiu haci malo, enbez e mayor corrigi e mucha, nan ta bira
agresivo contra di esun cu a sinti como un obligacion moral di corregi e mucha pa e mayor. Hopi
biaha ora un mucha comete un delito, e cay den man di autoridadnan competente, bo ta haya e
mayor ta bin halsa contra di e autoridad. Y tur esaki ta sosode dilanti di e hoben. Esaki ta duna e
mucha un sentido di poder, cu e por haci kico cu e kier, y toch e mayor lo Sali na su defensa. Tin
mayor sa cu nan yiu ta hasi malo, y toch nan ta Sali na su defensa. Nan no ta realisa cu nan ta
bezig ta duna e yiu forsa, lag’e pensa cu e por tur cos y no tin ken cu por bis’e algo.

GOBIERNO
Ta reina e pensamento den pueblo cu ta deber di gobierno pa coregi e problematica aki. Pero
mester corda tambe cu ta deber di cada mayor pa coregi nan yiu (nan). Aki na Aruba no tin un
instituto unda cu por interna e yiu unda cu e por haya ayudo pa su problema di actitud. Lo mester
manda e yiu afo, cu consencuencia cu e contacto no t’ey mas. Esaki en berdad lo ta e solucion? Por
corda cu antes tabata manda muchanan cu problemanan asina aki, pa Skerpene na Corsou. Pero
masha tempo esaki no ta sosode mas of kisas door di problemanan di pago esaki no ta tuma lugar
mas.

http://masnoticia.com/problemanan-social-ta-e-causa-principal-di-criminalidad-bou-di-nos-hobennan/