Page 23 - AM20240912

Diahuebs, 12 September 2024 AWEMainta DEPORTE 23
DEPO R T E

deporte@awemainta.com
OCA preparando pa Feria Equino

ORGANISACION Caballista Arubano (OCA) ta den pleno preparacion p'e
proximo feria equino cu lo tuma luga riba e dianan 21 y 22 di september
na Villa Floralina. E evento aki lo conta cu un competencia di cabay y equi-
tacion y lo ta habri pa tur participante interesa, kendenan ya por inscribi
pa participa den e dos dianan aki di competencia.

E hues encarga di e evaluacion durante e feria aki lo t'e reconocido dr.
Fernando Nieto, kende lo bin for di Bogota, Colombia, pa compaña y super-
visa e competencia. Su presencia lo duna un toke internacional y profe-
sional n'e evento, sigurando cu e participantenan lo ricibi un evaluacion
husto y profesional.

Fuera di ta un competencia destaca, e evento aki lo sirbi como un espacio
di seleccion y evaluacion di e jinete y e amazonanan cu por forma parti di e
ekipo cu lo representa Aruba durante e Mundial di Equitacion di aña 2026.

E entrada pa publico lo ta completamente gratis durante ambos dia, loke
ta garantisa e accesibilidad pa tur e interesadonan pa disfruta di e espec-
taculo ecuestre aki. Pa mayor comodidad, lo tin un bar y cushina bon surti.
Cu e preparativonan aki, OCA ta priminti un evento emocionante y yena di
oportunidad tanto p'e participantenan como p'e publico.