Page 27 - MIN VOS

A20 deporte
Diasabra 14 OctOber 2017
Team Snor ta gana wega di Domino

ORANJESTAD - E siman cu a pasa a tuma luga e campeonato di Domino
na 99 Bar & Restaurant na Kudawecha.

Den un encuentro Team Snor, bou liderazgo di ‘Snor’ Perez, a haci un come back
contra e ekipo di Sero Blanco Boys.

Den nan prome encuentro, Team Sero Blanco a gana e team di Snor, sinembargo,
den nan wega di revancha, e team di Snor a haci un come back.
Despues di e half time por a ripara cu Snor a bin bon prepara, ya cu nan ta clausura
prome tempo cu score di 12 – 7. Den di dos tempo, e bataya a sigui y Team Snor
facilmente ta logra bay cu e victoria cu score di 21 – 14.

AVB a honra ex- referee

Aubrey Maduro

ORANJESTAD - E campeonato di futbol lo ta dedica,
entre otro, na Aubrey Maduro. Asina Arubaanse voet-
bal Bond (AVB) ta laga sa.
Sr. Maduro ta un ex- referee di AVB y awendia ta masha con-
oci pa su aporta como Referee di Federacion di Futbol Vet-
erano di Aruba, cu ta para pa FEDEVETA.

Aubrey Maduro a cuminsa fluit e weganan di A Klas, division
1 y 2, y tambe e junioren for di aña 1985. Desde aña 1990 el
a cuminsa fluit division di honor y tambe LIFIDA y knock-
out, unda cu tur diadomingo tabatin wega na diferente veld.
E tempo ey e tabata guia e refereenan, manera Fan Dijkhoff
d.f.m., Porios Tromp, Kees Bossen d.f.m. y David Cruz.

Sr. Maduro a sigui diferente curso entre otro di K.N.V.B., di
Hulanda, na nivel 1, 2, 3 di AVB. Tambe e tabata forma parti
di e comision di referee di AVB. Actualmente e ta forma parti
y ta dirigi hunto cu Ernst Mohamed e comision di refereenan
di Fedeveta.

Referee Maduro semper ta un persona hopi autoritario riba
tereno y tur hungado tin respet pa sr. Maduro. E no ta na
Aruba actualmente pa ricibi su reconocimento, pero lo en-
trega personalmente ora e ta bek for di Hulanda.