Page 37 - MIN VOS

Un garoti blanco ta un medio auxiliar pa un persona cu tin un limitacion di bista of un
persona cu ta ciego.

E ta un medio di indentificacion tambe, si bo mira un persona cu e garoti esey kiermen cu
e persona aki tin un problema di mira.

Un persona visualmente incapacita ta uza e garoti pa 2 motibo importante:

1. Pa hala atencion di otro peaton y esnan participando den trafico, cu e persona en
cuestion no ta mira bon of ta ciego. Ta usa e garoti di guia specialmente ora di crusa
caya, pero ta uz’e tambe pa mobilisa su mes por ehempel rond di cas, den
supermercado of den caya.
2. Pa orienta su mes ambiente, pa localisa puntonan di orientacion y pa nota
obstaculonan na tempo.

Na momento cu un automobilista, ciclista y etc. mira un persona cu e garoti blanco strepi
cora cu ta indica cu e kier crusa, e mester cuminsa baha velocidad y dunanan e
oportunidad pa haci esaki.

Con un usuario di e garoti blanco ta indica cu e kier crusa caminda?
E usuario di e garoti ta indica cu e kier crusa dor di hisa su garoti stret su dilanti, ora e
yega n’e zebrapad of caminda cu e ta bay crusa.

Despues e ta scucha si e auto a stop y den aproximadamente 2 seconde e ta cuminsa crusa
e caminda.

Ora cu e yega mey mey di e caminda, e ta baha e garoti y ta fula p’e trotoir.

Ora e automobilista mira un persona cu ta bay crusa cu su garoti, e por zona un pito suave
pa asina duna e persona e señal cu e por crusa.

Con e guia di FAVI ta sosode?
E terapista di revalidacion ta duna instruccion n’e cliente con e uzo di garoti mester
sosode. Esaki por ta den e vecindario cu e cliente conoce y tambe na lugarnan desconoci
p’e cliente. Despues cu e cliente ta domina e canamento cu e garoti e ta bay ariba
caminda publico cun’e.