Page 41 - MIN VOS

Board a tuma diferente desicionnan cual lo mester wordo aproba finalmente pa Congreso.

Entreotro lo pidi aprobacion final di Congreso pa softball internacional cuminsa organisa

campeonato mundial den categoria “Under 16 Girls”. Esaki a wordo aproba

unanimamente. Asina lo cumpli cu e visioon di Comittee Olimpico Internacional pa hiba

e desaroyo mas dentro di nos hubentud. Alaves promer reunion di comision Hall of Fame

a tuma lugar y a logra induci 14 atleta y of dirigente di rond mundo riba e lista di Hall of

Fame. Nan reconosimento oficial lo bini mas adelante. E comision tabata consisti di
Andree Overbeek ( Hulanda), Mashito Matsetela (South Africa), Hiromi Tokuda (

Japon), Tony Giles ( New Zeeland), Tony Morales(Colombia) y Endy Croes ( Aruba).

E comision aki mester revisa y repasa tur e logronan di cada nominadonan y finalmente

controla si nan ta cumpli cu e criteria establesi den reglamentonan official di WBSC
Softball. Finalmente e nombernan cu SI a pasa e screening y cumpli cu criteria a wordo

aproba pa dicho comision y lo wordo presenta diasabra awor durante e Congreso oficial

pa ratificasion pa asina oficialmente nan por drenta Salon di Fama. Trabownan a continua

den comision di “equipment and regulations” unda Chipen Chirino ta atiendeno esaki y

alaves Endy lo atende cambio nan di reglamento den comision di reglamento.

Contactonan a wordo realisa cu presidentenan nobo di diferente pais unda Aruba ta

ricibiendo hopi sosten pa intercambionan di weganan di fogeo pa mehora nos selecionnan

nacional. Trabownan ta hopi pero Aruba ta al dia cu ultimo desaroyonan y lo percura pa

aplika nan mesora na Aruba.