Page 23 - AM211029

Diabierna, 29 October 2021 AWEMainta.com 23

CORSOU

Un total di 27 piskadó ta risibí nan pèrmit di piska

WILLEMSTAD - Despues di 4 aña warda porfin
piskadonan ku ta piska ku reda a risibí nan pèrmit.

Esaki a bira posibel komo Minister di GMN dr.
Dorothy Pietersz- Janga a restablesé bèk e maneho
di otorgá pèrmit pa sera Masbangu den un zona
indiká.

Durante su diskurso Minister Pietrsz- Janga a
mustra ku e situashon anterior a krea hopi kaos i
insertidumbre bou di piskadónan i pesei a pone òrdu
bèk i duna piskadónan lokual nan tin derecho riba dje.

Minister Pietrsz- Janga a hasi un apelashon na
piskadónan pa respetá otro su zona di piska,
mantené nan mes na e reglanan stipulá den nan
pèrmit, i mantené bon relashon di trabou ku AVB pa
asina sigui suministrá komunidat di Kòrsou ku piská
fresku.

Detenshon pa maltrato

WILLEMSTAD - Djaweps 28 di òktober 2021, alrededor di 12.31’or di mardugá, Sentral di Polis a risibí notifikashon di un kaso di maltrato
ku a tuma lugá na un kas den Kaya Wandu.
E unidat polisial ku a yega na e sitio a topa ku un pareha ku a deklará ku durante di un diskushon, ku nan yu hòmber lo a maltratá nan.
For di investigashon ku polis a hasi na e sitio a resultá ku e yu lo mester a maltratá e tata ku moketa i a kòrta e mama ku un kuchú na su
man.
Relashoná ku esaki polis a detené na e sitio e hòmber sospechoso F.J.S. nasé na Kòrsou di 18 aña di edat, pa e kaso ariba menshoná.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.