Page 16 - ATA

Ronella Tjin Asjoe-Croes: Beslag riba Insel Air tabata algo
den ta para caba

Wednesday, 08 March 2017 12:45
Comparti

Nos a acerca Ronella Tjin Asjoe-Croes, CEO di ATA, pasobra a tende cu ATA tin beslag riba Insel Air. El a
splica a base di kico y dicon esaki ta asina. Ta un decision cu a tuma siman pasa diabierna. E tabata algo
cu tabata den tapara caba. E motibo ta cu pasobra ATA a introduci un fee na 2012, unda cu tur aerolinea
cu ta transporta bishitante tin cu paga pa bishitante un motante di 10 dollar.

Hopi biaha e bishitante no ta nota esaki pasobra hopi biaha e ta inclui den e ticket. De facto te asina leu
cu ta, Insel Air tambe ta incluy’e den su ticketnan. A bin ta colecta un fee cu mester paga na ATA, pero no
a bin ta paga e fee aki pa tur e bishitantenan cu nan a transporta, y esey ta e motibo pakico ATA a pone
embargo riba cuentanan di banco y e fee ta yama porcierto e Travel Promotion Levy cu tur bishitante ta
paga. Atrasa Tjin Asjoe-Croes a splica cu a pasa den diferente combersacion, diferente reunion, diferente
intento, pa por a yega na acuerdo. A yega na un acuerdo tambe na aña 2015, unda cu a acorda cu Insel
Air lo a paga un montante mensual unda te hasta como parti di e palabracion y parti di e acuerdo ATA
tambe a acorda cu una bes cu nan inicia pagonan mensual, lo bay over tambe na duna sosten den forma
di mercadeo pa diferente ruta cu nan a introduci cu tabata importante pa Aruba cu e ta sigui ta
importante pa nos. E acuerdo eynan ta un ehempel di un intento cu a wordo haci, pero no a cumpli cu e
acuerdo eynan. Esey ta un ehempel y fuera di esey ATA ya caba a tuma diferente otro paso legal y a haci
intentonan na numeroso ocasion. Pero awor aki a bay over na e decision toch di pone embargo riba
cuenta di banco, segun Ronella Tjin Asjoe-Croes, CEO di ATA.