Page 12 - ASTEC
P. 12
Castigonan cu huesnan ta duna ta coy hari y ridic*lo. Ora bo haci algo castigabel bo tin di
para responsabel pa e consecuensianan tambe.
BanDjoDjo
May 01, 2015
201.229.41.185
Votes:
Haha,djodjo 5anja cu plaka di trahador nan, pa despues e bin sinta 20 luna so. Esta dushi
bidaaa! Bai sigi djodjo cu plaka di hende numa, e castigo cu bo lo haya lo ta net nd! dus, sigi
djodjo bai nummaaaa!!! ESTA DUSHIIIII..!!
Corte a condena Linda Brete cu 20 luna di prizon 05-01 Preview - 24ora.com
http://www.24ora.com/local-mainmenu-5/94697-corte-a-condena-linda-brete-cu-20-luna-di-prizon
Castigo di 26 luna pa estafa di mas di 1 miyon for di fondo
di pensioen di waf
Publication: Saturday, 2 May 2015. Categoria: Judicial
ORANJESTAD(AAN); Recientemente huez a duna su veredicto den un caso contra e muher
L.R.B.
El a wordo acusa di falsificacion di chequenan, conhuntamente cu un otro of otronan, den e
periodo di prome di October 2009 te 28 di October 2014.
Banda di esaki el a wordo acusa di, conhuntamente cu un otro of otronan, den e periodo di
prome di October 2009 te 28 di October 2014, a estafa mas cu 1.000.000 florin di e fondo di
pensioen pa trahadornan di waf (ASTEC).
Dia 10 di April ora cu e caso a wordo trata, Fiscal a indica cu ta hasiendo un investigacion
financiero, despues di cual lo bin cu un asina yama ‘ontnemingsvordering’ contra e acusado,
pa wak kico nan por haya bek di e placa.
Huez e dia ey a puntra L.B si ta berdad cu el a estafa mas cu 1 miyon di florin y el a bisa cu
si.
El a splica cu como cu e no tabata tin un hende ta controla su trabao, e tabata falsifica e firma
di esnan encarga pa firma cheques.
Segun L.B, el a haya su mes den debe entre otro door cu su casa di e tempo ey tabata
malgasta placa.
El a cay atras riba pagonan di hipoteca y el a cuminza falsifica e cheques pa e haya placa.
Na yoramento el a conta huez con e kier a stop, pero el a sinti cu e no tabata por.
