Page 13 - ASTEC
P. 13
“Ta manera un droga, bo kier stop pero e no ta logra”, segun L.B.
El a splica cu e tabata tin un tereno riba cual e kier a construi apartamentonan pa e por gana
mas placa pa paga su debenan entre otro.
Huez a indica cu L.B a papia di debe, pero el a pone tegels noboi na su cas, el a pone full un
baño nobo na su cas, el a viaha diferente biaha, entre otro pa Orlando y tambe pa Hulanda.
Tambe el a paga pasashi pa su yiu bin Aruba for di Hulanda.
E muher a splica cu su cas tabata tin mester di reparacion y cu e mester a biaha pa exterior pa
su salud.
El a splica tambe cu e viahe cu el a hasi pa Hulanda tabata cu su propio placa di bonus y
vakantiegeld.
Huez a mustre riba e hecho cu el a afecta su coleganan y e pensionadonan na un manera
negativo door di gasta placa di nan fondo di pensioen.
Riba un pregunta di su abogado Chris Lejuez, L.B a splica huez cu e pensioen di e
trahadornan di waf ta un di e pensioennan di mas fuerte na Aruba cu mas di 40 miyon na
divisas etc. Den exterior.
Pues cu otro palabra, e fondo di pensioen segun e no a wordo afecta fuertemente.
Fiscal no tabata di acuerdo cu e ponencia aki.
Durante tratamento di e caso Fiscal a indica cu polis a constata cu e dos apartamentonan cu
L.B a construi ta luhoso si, pero e ta puntra su mes con por haya parti grandi di e placa bek.
El a bisa cu L.B a indica cu e lo kier paga bek, pero segun fiscal ta obvio cu e muher lo no
por hasi esaki, ni si bende e apartamentonan.
Segun fiscal e muher a admiti cu na dado momento e tabata cambia 4 cheques falsifica pa
luna, pa un total di mas di 186 cheques.
Fiscal a compara e caso aki cu algun caso na Hulanda y el a exigi un castigo incondicional
contra L.B di 3 aña, kitando e tempo cu el a sinta caba den detencion preventivo.
E siman aki huez a duna su veredicto.
El a duna L.B un castigo di 26 luna, di cual 6 luna ta condicional.
Castigo di 26 luna pa estafa di mas di 1 miyon for di fondo di pensioen di waf 05-02 Preview -
http://www.24ora.com/local-mainmenu-5/94697-corte-a-condena-linda-brete-cu-20-luna-di-prizon
