Page 77 - MIN JUS

Bewaring: encarselamento. E ta wordo ordena solamente dor di hues-comisario riba demanda di
fiscal, sea prome of despues cu e periodo di un aresto a vence. Su duracion ta 8 dia y por wordo
prolonga maximo pa 8 dia mas.

Voorlopige hechtenis: detencion provicional. E ta consisti di e sifiente
formanan: gevangenneming y gevangenhouding: tene preso of kohe preso. Den tur dos caso, ta
hues-comisario por duna un tal ordo durante e investigacion preparatorio. Un tal ordo por wordo

duna solamente p’e echonan menciona den articulo 100.

Gevangenhouding: tene preso. E ta tuma luga despues cu e perido di aresto a vense. Di tal manera e
sospechoso ta keda preso.

Gevangenneming: Kohe preso. E ta tuma luga ora e sospechoso no ta priva legalmente di su

libertad. E ordo aki hues-comisario por dune solamente, si ta necesario pa extradita un sospechoso
(art.96). Ora un investigacion a cuminsa na Corte, hues por duna e ordo aki (art.96) Un ordo pa

detencion provicional, esta pa kohe preso tambe, por wordo duna si e sospechoso no tin un luga
permanente di biba of keda na Aruba/Antiya Hulandes.

Duracion di tene y kohe preso. Den tur dos caso hues-comisario, riba demanda di fiscal, por duna
un tal ordo pa un periodo di 60 dia, y atrobe riba demanda di fiscal por prolonga e periodo ei cu

maximo 30 dia. Si fiscal pidi hues-comisario p’e haci un investigacion hudicial preliminario basa riba
motibonan particular cu tin relacion cu circumstancianan di e caso y cu no a termina denter di e
periodo di 90 dia di e ordo pa tene preso, hues-comisario de e casonan menciona den articulo 100 y

101 por prolonga e 90 dianan cu un periodo maximo di 30 dia. Un ordo pa tene of kohe preso, cu a
wordo duna prome of durante di un periodo. Si un sospechoso a wordo sentencia pa un castigo di
prison di menos cu 5 luna, y e mester haña su libertad mesora, hues por dicidi cu e ta keda detene pa

un periodo di tres siman. Si el a wordo sentencia pa un castigo di prison di mas cu 5 luna, y ta exsisti
un ordo di detencion, hues por dicidi cu e ta keda 5 luna deteni. Fiscal por pidi pa prolonga e periodo

aki cu maximo 30 dia. Si durante e 5 lunanan ei e sentencia a wordo apela, ora tratamento di e caso
cuminsa na Hof, e periodo di e detencion ta indefini.

P