Page 97 - MIN JUS

SVb contento cu e opschoning di Censo

Wednesday, 07 June 2017 21:19
Comparti

Aunke cu ta trata opschoning di Censo, dado momento cosnan tambe por influencia SVb den un forma positivamente.

Director di SVb, Edwin Jacobs, el a splica cu nan ta sumamente contento cu e limpiesa cu a keda haci y ta wordo haci na e momentonan aki
di parti di oficina di registro civil, pa loke ta trata personanan inscribi den e registro.
Pensioen di biehes no ta un pensioen di trabao
Jacobs a splica cu e seguro di pensioen di biehes, ta prescribi cu entre e edad di 15 aña pa e edad di pensioen, un pensioenado ta acumula
derecho pa su pensioen di biehes. E derecho aki ta mara na residencia riba Aruba. E pensioen di biehes no ta un pensioen di trabao. E no ta
mara na añanan cu ta traha, pero ta para na añanan cu bo ta residencia na Aruba, entre bo 15 y bo edad di pensioen. Ta nifica cu un persona
cu ta inscribi na registro civil, pero e no ta biba na Aruba, ta acumula derecho riba e pensioen di AOV. E ley tambe ta bisa cu ora ta bay
huzga e añanan di residencia, nos tin cu haci uzo di registro civil. Ora cu un persona presenta na SVb haci peticion pa su pensioen di biehes
of e ta haci esaki via un forma digital, e peticion aki ta bay registro civil y na registro civil nan ta bay check den e archivo di registro civil y ta
confirma e fechanan cu e persona aki a residencia na Aruba.
A base di e pensioen actual, pa cada aña cu un persona ta inscribi den e registro civil y e no tabata biba realmente na Aruba e ta costa SVb na
pensioen durante e promedio di añanan cu un persona asina ta disfruta di e pensioen di AOV, 4800 florin. Esey ta nifica cu si e tabat
registra den registro civil pa 5 aña, siendo cu e no a biba e cantidad di añanan aki, ta costa e fondo den e forma cu den principio no tin
derecho riba dje, un total di 20 mil florin. Ta e impacto cu un registro civil, un persona inscribi y no ta biba na Aruba, ta costa e fondo sin cu
e tin derecho en principio riba dje, pasobra no solamente e mester registra na Registro Civil, pero mester biba tambe na Aruba. Bo por
imagina cu si bo tin un registro civil up to date y bon manteni, e ta na beneficio tambe di bo fondonan cu bo ta administra, pasobra bo ta
sigur e ora cu personanan cu ta ricibi e pensioen di biehes, realmente tin e derecho riba dje, pasobra realmente nan a biba durante e periodo
cu ta poni den registro civil na Aruba. Pesey tambe ta cu bon wowo SVb ta mira e proyecto aki di oficina di Registro Civil y kier a felicita nan
cu esaki. A compronde tambe di e directora, den un combersacion cu tabata tin cun’e, cu ta un proyecto cu nan ta cuminsa cun’e y e archivo
di registro civil lo wordo bon manteni pa e proximo añanan y ta mira mas y mas tur e sistemanan computarisa den gobierno ta cuminsa
wordo gelinked na otro pasobra tur archivo ta keda up to date pa e cambionan.