Page 98 - MIN JUS

SVb ta gelink directamente cu Registro Civil

Wednesday, 07 June 2017 21:25
Comparti

SVb tin un link awor aki directo y live cu registro civil, segun director Edwin Jacobs. Esey ta yuda SVb den nan
control cu cierto momento cu ta haci control regularmente riba pensionadonan si nan ta biba na Aruba of no y ta
mira den registro civil cu manera constata algo, nan ta notifica registro civil di esaki.

Ki pasa si algo no ta cuadra
Na e momentonan aki pensioennan cu a wordo otorga caba, si haya indicacion cu e persona, e periodo no ta cuadra,
semper por revisa e pensioen. E tin cu cuadra cu realidad.

Jacobs no por imagina cu esey lo bay tin mucho caso of no lo bay tin caso. Kisas loke bay pasa ta hendenan cu ta
registra den registro civil y ta registra pero no ta di bibando na Aruba. Loke ta pone cu na momento cu bo ta biba den
exterior, bo tin obligacion di manda SVb cada tres luna un constancia di bida y e riesgo tambe ta poni cu un persona
asina aki por a fayece den exterior sin cu sa, ciendo cu e ta inscribi na Aruba, pero a fayece den exterior y por ta e ora
su famia a ricibi e pensioen sin tin derecho riba esaki.
Den exterior e por bira poco dificil pa por recupera esaki bek. Bo ta para e pago aki cu tabata un pago cu ta bay sin cu
e persona tabata tin derecho riba dje. Pa e banda ey e por tin un efecto pa e fondo cu cierto momento ta haya sa di e
personanan cu ta pensionado, bibando afo y no ta cumpli cu e obligacion di manda un constancia di bida.
Precaucion y tips

SVb regularmente ta haci su controlnan. Jacobs a splica cu comunidad ta coopera hopi bon cu SVb riba e tereno aki.
Nan ta haya tips regularmente for di comunidad ora cu nan constata cierto casonan. Nan ta manda bisa cu segun nan
tal persona no ta bibando na Aruba, pa tira un bista riba dje. Ademas nan ta analisa regularmente nan lista di
pensionado. Nan ta pone na cada grupo di pensionado cierto riesgo cu e persona ta bay biba den exterior sin informa
SVb y sin saca su nomber for di registro civil. E grupo aki ta controla regularmente. Ultimo añanan sigur den e
periodo caminda e pensioen a subi cu mita aña, no tabata tin peticion nobo y na momento a subi caya pa bay
controla e pensionadonan cu ta kere cu tin riesgo mas halto cu nan por bay biba afo, sin informa.
Obligacion pa meld

Na momento cu bay biba pafo di Aruba, tin e obligacion di notifica SVb pasobra e momento ey ta pone cu tin cu
entrega e constancia di bida cada tres luna, pa por cobra un pensioen, segun Edwin Jacobs.