Page 28 - AHATA

A17
HENDE Diahuebs 24 OctOber 2019
Bishita a inclui un encuentro cu minister president

Celebridadnan Hulandes a cera conoci cu Aruba

ORANJESTAD – Aruba a bin ta capta mas
atencion pa cantidad di hende muhe ocu-
pando posicionnan clave. Como tal tin mas
esfuerso pa posiciona e destino riba area di
importancia pa empodera e hende muhe
di tur edad, entre otro. Den linea cu esaki,
Aruba Tourism Authority a tuma e inicia-
tiva pa invita 8 hende muhe cu na Hulanda
ta personanan cu influencia, conoci pa tin
hopi siguidonan riba rednan social. Aki ta
tene cuenta tambe cu e importancia di e
hende muhe den tuma di decision di unda
pa biaha.

E meta principal di e bishita aki ta pa promove
Aruba na Europa y principalmente na Hulanda.
E celebridadnan hunto tin mas cu 700.000 sigui-
donan. Ademas, Beau Monde, un revista glam-
style glossy cu circulacion di mas cu 100.000,
tambe a forma parti di e grupo aki.

Pa medio di su oficina na Hulanda, A.T.A. a
invita e grupo di celebridadnan consistiendo
di personanan cu afinidad den diferente area y
organisacion cu influencia amplio na Hulanda.
Nan tabata:
Quinty Trustfull – un presentadora riba televi-
sion y casa di futbolista Orlando Trustfull.

Kim Kotter (Miss Universe Hulanda 2002) pre-
sentador di diferente programa di television y
entrepreneur entre otro, e ta organisa Miss Uni-
verse Alemania.

Kirsten Schilder ta casa cu e conocido cantante
Nick Schilder.
Leontine Borsato ta un presentadora di television
y casa cu e famoso cantante Marco Borsato.

Josh Veldhuizen ta un diseñadora/fashionista cu
su propio linea Josh V.

Edsilia Rombley ta considera como un di e miho
cantantenan Hulandes y su link cu nos isla ta cu
su mayornan ta di Aruba y Corsou.

Anouk Smulders ta un modelo top como tambe
un presentador na television.

Dionne Schulf ta un entrepreneur famoso y fun-
dadora di e agencia di celebridadnan ‘Friends of
the Brands’, cu cual A.T.A. a cera un cooperacion
pa cu e trip aki.

Robin de Vries cu tambe ta forma parti di ‘Friends
of the Brands’ a coordina e programa aki.

E bishita aki a wordo cubri ampliamente den e
conocido revista Beau Monde, di cual Sandra ten
Brink a compaña e celebridadnan.

Como parti di e programa, A.T.A. a inclui un re-
cepcion special na Papiamento Restaurant, unda
e grupo special aki a wordo yama bonbini door di
nos Minister President Evelyna Wever-Croes, y
CEO di A.T.A. Ronella Tjin Asjoe-Croes.

Durante nan estadia, nan a cera conoci cu dife-
rente parti di nos isla – entre otro nan a bishita
e area di arte na San Nicolas, nan a wordo pre-
senta cu un desayuno y despues un tour na Parke
Arikok, pero tambe nan por a disfruta di Aruba
su gastronomia, bishitando top restaurantnan
cu Aruba ta ofrece. Ademas nan a bishita Aruba
Aloe Balm unda nan a haya e oportunidad pa
traha nan propio scrub.