Page 91 - AHATA
P. 91
Partido politico RAIZ a manda un carta pa Prome Minister Evelyn Wever Croes, den cual
e ta papia di integridad, ta pidi pa para cu nepotismo y alabes ta critica e proyecto di Port
City.
Den e carta e ta pidi atencion di e prome mandatario riba e maneho di nombramento di
personal den departamentonan gubernamental, entidadnan subsidia y Huntanan di
Comisario, pidiendo pa evita cu personanan cerca di e Ministernan of di e partidonan
gobernante ta haya cierto puestonan.
Ta menciona hopi e palabra integridad, di loke ta e plan di Gobierno y ta bisa cu no
mester warda pa e ley aki drenta na vigor pa cuminsa pone den practica. Y den mesun
rosea ta menciona e proyecto di Port City, cu den su Hunta di Comisario tin dos persona
apunta cu nan lo ta involucra den e caso A”Avestruz” cu ta bou investigacion aworaki
door di Landsrecherche.
Download [548.32 KB]
Ta trata di un carta di dos pagina, cu e partido politico RAIZ a manda pa Prome Minister
di Aruba, y cual copia ta compaña e articulo aki. Recientemente caba RAIZ a manda un
carta pa Presidente di Parlamento den cual nan ta denuncia actonan di Minister Otmar
Oduber cu ta yega hopi cerca di corupcion. Asina nan a menciona e Aruba Property
Fund, cu e mandatario lo por uza pa haya mas influencia y bende propiedadnan di
Gobierno.
https://24ora.com/raiz-ta-pidi-pa-integridad-den-proyecto-port-city/
