Page 93 - AHATA

MANEHO DI NOMBRAMENTO
Un punto di preocupacion di RAIZ, tanto comun como actual, t’e nepotismo den
nombramento y dunamento di trabou dor di Gobierno. Tanto den departamentonan
gubernamental, entidadnan subsidia y Hunta Comisario di companianan estatal, un
cantidad di persona cu ta hopi yega na Ministernan y partidonan na mando a wordo
nombra.

RAIZ ta di opinion cu nepotismo mester wordo para y evita. Nombramentonan mester
sosode a base di calificacion, profesionalismo y integridad. Mientras cu ta necesario pa
introduci reglanan di Good Governance y Good Corporate Governance pa yuda preveni
conflicto di interes. Gobierno tin e deber pa actua, anto actua awor, p’asina no keda pega
den anticipacion di introduccion di e reglanan aki.

P’e motibonan aki, RAIZ ta haci e peticion na Prome Minister Wever-Croes pa duna un
splicacion di e maneho di Gobierno pa loke ta trata nombramentonan den entidadnan
gubernamental, y adresa e cantidad preocupante di nombramentonan nepotistico, cual ta
crea conflictonan di interes y ta causa falta di confianza di pueblo den gobernacion di nos
pais.

CASO SPECIFICO
Un punto di preocupacion mas specifico ta trata e integridad den e Hunta Comisario di
APA N.V. y e proyecto ‘Port City’. APA N.V., den colaboracion cu Minister di Turismo,
Salubridad Publico y Deporte, Dangui Oduber y otro instancianan, a colabora p’e
proyecto ‘Port City’.

P’e proyecto aki, APA N.V. ta calcula un inversion di 550 miyon dolar, di locual 500
miyon dolar lo ta inversion di inversionista y contratistanan priva, cu un duracion di 10
aña.

Segun lider di RAIZ, Ursell Arends, nan a tuma nota cu dos representante den Hunta
Comisario di APA N.V. ta envolucra den e investigacion andando bou di nomber
‘Avestruz’. Tambe tin nombramento den e Hunta aki cu ta duna indicacion di nepotismo.

Considerando cu: Tin indicacion cu personanan cu funcionnan clave den APA N.V. a
wordo ‘strategicamente’ escogi; dos respresentante den Hunta Comisario di APA N.V. ta
envolucra den e investigacion ‘Avestruz’; APA N.V., cu aprobacion di Minister di
Turismo, Salubridad Publico y Deporte, Dangui Oduber ta un actor principal den e
proyecto ‘Port City’ cu un inversion total calcula na $550.000.000,-; tanto e investigacion