Page 29 - KPA

Agente policial pa salba su bida ta tira homber cu

problema mental

November 30, 2017

Sero Lopez – Diahuebs marduga algo prome cu 5’or patruya di Santa Cruz ta bay un adres conoci di nan na

Sero Lopez, caminda un yiu homber ta di remate y a maltrata un primo di dje cu cuchara di cemente y un
baseball bat.
Na yegada patras di cas despues di lucha, e homber di inicial M.Croes a ataca e polisnan tambe cu a baseball
bat.

Agentenan despues di a los tiro di advertencia a tira e homber Croes, den su pia drechi parti ariba, manera por
wak ariba e imagennan.

Mes ora a pidi pa ambulance y tambe a avisa autoridadnan concerni.

Na e sitio Vocero di Polis Sr Lito Laclé a bisa nos cu e homber aki ta sufri di problema mental y tambe di
adiccion y ta un double trouble, manera ela yame.

Pues aki nos ta wak cu ariba caya, tin hopi di e personanan aki rond cu por ta sumamente peligroso.

E agente mester a haci uso di su arma, pa por a neutralisa e individuo aki y asina evita un drama.
Ambulance cu a yega na e sitio a prepare e homber di Fam Croes y cu su mannan geboei a wordo transporta pa

hospitaal.

Departamento tecnico di polis BFTO a yega e sitio pa asina cuminsa nan haci nan parti y wardando ariba
autoridadnan competente yega.