Page 30 - AM240930

30 COMUNIDAD AWEMainta Dialuna 30 september 2024

Ekipo nacional di Robotica di The STEM Embassy a representa

Aruba den competencia internacional na Grecia

THE STEM Embassy a crea e ekipo nacional di Robotica cu a
representa Aruba n'e competencia Internacional di Robotica
yama FIRST Global Challenge cu a tuma lugar na Grecia dia

26 te cu 29 di september 2024.

E team cu yama FIRST Global Team Aruba ta consisti di e
hobennan Princess Tucker (17), Ruarth Lampe (15), Quintin

Lochtenberg (15), Angeline Lacle (16), Guiyan de Nobrega
(17). E hobennan a conoce otro na un Hackathon Robotics
Challenge organisa pa The STEM Embassy. Jean-Pierre
Solognier, Technical Coach, LeAnn Tromp y Michelle Mendez

Fonseca miembronan di The STEM Embassy lo coach e
hobennan durante e competencia. Esaki ta di dos biaha cu
Aruba ta competi na e FIRST Global Challenge. Aña pasa el
a tuma lugar na Singapore unda Aruba a competi pa prome

biaha.

E team di Aruba a biaha bay Grecia dialuna 23 di september.
Diaranson 25 di september tabata e prome dia di e evento

unda nan a pasa e inspeccion di e robot.

FIRST Global ta un organisacion cu un mision simpel;
promove Ciencia y Tecnologia entre hoben. Nan ta haci esaki

posibel organisando “The FIRST Global Challenge” unda
mas cu 191 pais lo competi na un competencia Olimpico di
robotica. Unda e hobennan mester diseña y programa nan
mesun robot.

Mescos cu The STEM Embassy nan mision ta pa inspira e
hubentud pa explora e ramonan di STEM (Ciencia, Tecnologia,
Ingenieria y Matematica). The STEM Embassy ta un organ-

isacion consisti di studiante y young proffesionals di Aruba
y Corsou cu ta studiando na Hulanda y Merca cu kier lanta
curiosidad y confiansa den STEM riba tur e islanan ABC.

Por sigui e competencia di robotica riba Instagram @first-
globalaruba, @f1rstglobal y @TheSTEMEmbassy.