Page 34 - AM240930

34 AWEMainta Dialuna 30 september 2024

Santo di Dia

Tata di vulgata y defensor di fe

Awe ta dia di San Jeronimo

DIA 30 di september, Iglesia Catolico ta celebra e fiesta di
"San Jeronimo", un teologo, traductor y studia destaca di
siglo IV. Naci na aña 347 na Estridon, n'e frontera di loke
awendia ta Croacia y Slovenia, for di hopi hoben el a mustra

un profundo inclinacion p'e estudio di e Scrituranan y e
lenganan antiguo.

San Jeronimo a bay Roma, caminda el a wordo batisa y a

cuminsa cu su careara academico y ascetico. Durante cu e
tabata na Roma, el a studia bao di e tutela di maestronan
destaca y a convirtie den un defensor ferviente di e fe cris-
tian. Su contribucion mas significativo na teologia tabata e

traduccion di Bijbel na Latin, conoci como e "Vulgata".

E obra monumental aki no solamente a consolida e version
Biblico mas uza den Iglesia Catolico, sino cu tambe a facilita

e acceso di e comunidad cristian n'e Sagrado Scrituranan,
den un tempo caminda cu conocemento tabata privilegio
reserva pa poco.

Mientras cu su reputacion tabata crece, San Jeronimo a
retira na un bida monastico na Bethlehem, caminda el a
funda un comunidad y a sigui cu su labor di traduccion y
enseñansa. Den e ambiente aki, el a dedica na scritura y

n'e corespondencia cu otro lider eclesiastico influyente di su
epoca, manera San Agustin.

A lo largo di su bida, el a skirbi numeroso tratao riba teologia,

etica y spiritualidad, atendiendo e temanan cu ta sigui ta
relevante p'e cristiannan di awendia.

San Jeronimo a fayece na 420, lagando un legado duradero

cu a consagr'e como un di e Tatanan di Iglesia. Su influ-
enia ta bay mas leu di e traduccion di Bijbel, siendo tambe
un ehempel di dedicaciony compromiso cu e fe cristian. E ta
wordo venera como santo den diferente tradicion cristian

y su fiesta dia 30 di september ta destaca su papel funda-
mental den e historia di cristianismo.

Fuera di esey, e ta wordo considera e patron di e traductornan,

bibliotecario y studiosonan di Bijbel, inspirando generacion
di academico y e fielnan den nan buskeda di e berdad divino.