Page 17 - DESPA FEB 11
P. 17
2 AWEMainta Diahuebs, 11 Februari 2016
Decision a cay
Baby Lunah por
bay exterior
AZV den espera di confirmacion
SIMAN pasa AZV
a tuma nota di e preocupacion cu ta reina bou di
hopi cuidadano tocante baby Lunah, kende a nace
mental y fisicamente handicap (y cu complicacionnan
adicional) como tambe e pregunta si e baby lo mester
bay exterior pa ricibi tratamento medico.
AZV ta sigura cu e caso di e baby aki ta hayando tur
atencion.
Entre tanto a ricibi e opinionnan medico di expertonan
di Hulanda como tambe di Colombia.
E pediatranan local ta di opinion cu un operacion
den caso di baby Lunah ta trece demasiado riesgo
cune y kier trata e baby cu remedi. Den e opinion
aki, e pediatranan di Aruba ta wordo sosteni dor di e
expertonan di Hulanda. E operacion mes no ta uno
complica sinembargo den e situacion delicado cu e
baby Lunah ta, e baby ta wordo exponi na riesgonan
hopi halto.
E miedo di e dokternan ta cu e baby lo no sobrebibi
e operacion. E mayornan ta nenga rotundamente
pa duna aprobacion p’e tratamento cu remedi y ta
para riba cu nan yiu muher mester wordo opera
na Colombia. Ayera merdia AZV a sinta y papia cu
e mayornan di e baby pa splica e proceso di cuido
medico den exterior. E intencion ta p’e baby haya
su cuido medico den exterior. AZV a manda tur
informacion di e baby pa Fundación Valle de Lili na
Cali, Colombia.
Mas cu claro AZV ta pendiente di e clinica pa nan
confirma si nan ta tuma e baby pa evaluacion.
E mayornan a wordo informa di e intencion di AZV.
Na mes momento e mayornan a haya e oportunidad
pa haci pregunta y a firma un declaracion cu ta splica
e riesgonan cu e baby ta core na momento cu haci e
biahe y of wordo opera. AZV a palabra cu unabes un
confirmacion drenta di e clinica di Colombia, lo tuma
contacto bek cu e mayornan.
