Page 27 - ARUBA BANK

Dialuna Shayden Hose ta bay Hulanda pa busca su salud

Sunday, 02 July 2017 19:41
1

Comparti

Shayden Hose, e hobencito cu a haya un tumor, ta cla pa bay Hulanda. Segun e tata Edmar Winterdaal, e
no por confirma, pero el a splica cu AZV lo cubri e yiu y e mama pa 3 luna.

Despues e no sa kico mas lo wordo cubri. E mes como tata, e no ta haya nada. E tin cu tuma su manera.
El a retira for di su trabao di biaha manera el a scucha e noticia y busca accion pa wak kico e por haci pa
tey eynan 100% cu su yiu. E ta pensa cu tur hende lo haci mesun cos si nan ta den su sapato.
Fecha tin

Fecha ta dialuna, dia 3 di Juli. Cada dia cu pasa, ta algo cu por pasa cu e mucha. E ta bay sigur sin faya, e
mester bay, e no mag faya pa e yiu, pasobra como mayor ta traha 1000% mes pa e yiu.

E reaccion

Winterdaal ta gradici di tur manera, cu e mucha ta alegre. Pa e edad cu e tin, 2 aña, ta hopi sabi. E sa
actualmente cu algo no ta corecto, pero e no por pinpoint kico e ta. Mester ta alegre rond di dje, ta duro y
positivo pa e por tin e energia eynan pa e no sinti of ta swak. Mester ta para hopi duro pe. E mucha ta
sintiendo uneasy. Prome no por wak'e mes, pasobra e ta hunga, core bicicleta, semper alegre, ta core, ta
papia y ta hari. Na caminda cu a hib'e ultimo cu ta suficiente cu algo no ta klop y ora a haya resultado, ta
caminda cu el a sinti su mes fastioso pa drumi. E tambe ta luchando duro, pasobra dia aden, dia afo,
mester hinca hangua y pa un mucha asina chikito, no ta dushi pa ta hinca den hospital y no cerca mami y
papi, cu obhetonan pa haci test riba dje.
Awor aki actualmente e ta den hospital, hinca den un camber di glas, caminda cu ta e mama of e tata so
mag di ta aden, ningun hende mas. Otro hende cu bin mag di wak via glas so, pa wanta virusnan atras.
Djey mañan ta bay Hulanda pa e siguiente bataya.

E sosten
Winterdaal ta conta cu pa yega na dje, awor aki su number y number di banco ta conoci. E sosten ta pa
mas tanto e pasashi y eybao, door cu el a caba su EPI, e kier a bay busca un trabao unda cu e lo traha
duro y sostene economicamente bon. Pero cu a scucha cu e no lo ta asina facil, ainda awor aki un cas no
ta sigura, pero cu e ta eybao, e por haci algo sigur. Mientras cu e ta na Aruba, e ta sinti cu e no ta helpfull
manera cu e kier ta. Awor aki e ta sigur e por tin e vuelo cubri. Loke ta keda awor aki ta e lunanan cu e ta
bay keda eybao. Ta bay ta fastioso pa come, pero mester alimenta su mes pa e ta duro pa su yiu y un cas
na Utrecht, cerca di Prinses Maxima Hospital, ta loke por sosten'e awor aki pa e ta stabil y ta eynan pa e
bringa pa Shayden pa despues trece bek Aruba. Tur hende ta tras di dje, cual e ta sinti. E storia a bay te
Corsou, Boneiro, Merca, Hulanda y tur hende ta resando pa Shayden, cual e tata ta gradici. E ta bay
positivo den esaki.