Page 101 - KPA

Si no ta bay haci uzo di auto entrega plachi di number

Tuesday, 27 June 2017 21:14
Comparti

Pagamento di belasting ta un cos, pero si e auto no ta core y e plachi ta riba dje, tene cuenta cu ta miho
entrega e plachi di number pa bo haya un dispensacion, ta otro cos. Vocero di Departamento di Impuesto
, Meverly Romano, a splica cu loke ta ripara tambe cu e clientenan mester ta hopi conciente tambe di e
plachi di number cu tin riba nan auto. E plachi di number ey ta registra bao di un nomber. Na momento
cu e persona, e doño cu ta e persona cu tin e registro ey riba su nomber, e ta bende su auto, of su auto ta
keda para. E tin cu haci algo cu e plachi. E no por djis laga e auto bay cu e plachi. E itn cu entrega e plachi
na Departamento di Impuesto. Si e laga e plachi bay cu e auto, e doño nobo ta keda core cu e plachi, e no
ta bay worry pa paga e belasting, pasobra e plachi no ta riba su nomber toch. Ken ta bay hay’e despues cu
e debe, ta e doño bieu. Ta hopi importante pa ora bende un auto, pa sea pasa e number oficialmente,
firmando un formulario cu bo ta pasa e number pa tal persona of bo ta tene e number, bo ta tene e plachi
y bo ta bin entreg’e y bisa cu no ta uz’a e plachi mas. Of ta pas’e riba un otro auto. Esey tambe por, segun
Romano.
Importante ta pa e doño ta conciente cu e plachi eynan, no por djis lage bay zomaar. Tampoco e por lage
of ta recomenda pa no lage para riba un auto cu ta daña den garage, laga e plachi keda riba e auto y sin
haci nada cun’e. Tanten cu e plachi ta riba e auto, Departamento di Impuesto no sa cu e auto ta den
garage. Despues e cliente ta bin bisa cu e no ta bay paga e belasting pasobra e auto no a core toch. Pero
departamento di Impuesto no sa cu e auto ta den garage. Na momento cu un auto ta kibra of daña, ta den
garage y e plachi no ta den uzo, entrega e plachi na Departamento di Impuesto y asina ey e automobilista
por bin na remarca tambe pa haya un posibel dispensacion di belasting caminda e no tin nodo di bay
paga e belasting pa e kwartaalnan cu e plachinan a keda aden. Esey ta e posibilidadnan cu tin. A wak
esaki masha hopi mes awor aki. Luna pasa, ora cu a saca e cartanan di recordatorio, caminda cu a bisa e
clientenan cu nan tin debe di number di auto habri, cu ta atrasa, hopi a bin reclama bisando cu e auto no
ta core, e auto tabata kibra, of daña, e plachi no a wordo uza. Pero no por dunanan dispensacion di
belasting, pa motibo cu e plachi no a wordo entrega. Ta importante pa e automobilistanan ta conciente
di esey. No bay laga e plachi bay zomaar den man di otro hende. No laga e plachi keda zomaar benta riba
e auto of den cashi. Si bo ta bandona Aruba, bin entrega bo plachi pasobra e momento cu bo no ta uzando
e plachi of bo ta bandona Aruba, b’a djis benta e plachi afo, no lubida cu e debe ta keda core.
E plachi ey ta keda registra riba bo nomber y e debe ta keda core. Dado momento cu bo ta haya e
sospresa cu departamento di impuesto ta bisa cu bo tin un suma pa paga y esey no ta agradabel pa
ningun automobilista.
Pesey tambe kier purba concientisa e clientenan pa nan ta mas atento cu nan asuntonan di belasting pa
evita e tipo di consecuencianan aki.
Diabierna awo, dia 30 di Juni ta ultimo dia tambe pa e clientenan cu actualmente nan auto no ta den uzo,
por entrega e plachinan na Departamento di Impuesto. Diabierna, dia 30 di Juni, prome cu e siguiente
kwartaal cuminsa, ta pidi e automobilistanan pa bin entrega e plachinan di number, y asina eynan ta
para e proceso di por ehempel e periodo siguiente cu tin posibilidad cu nan no tin mester di bay paga e
belasting. Ta depende si con largo e plachi keda cerca Departamento di Impuesto. Si e keda un siman of
un luna toch e tin cu paga e belasting. Pero si e cliente laga e plachi un kwartaal of mas, e ora e ta haya
dispensacion di belasting. Pesey ta importante pa e cliente ta na altura di esaki, cu ta bay drenta awor aki
un periodo nobo y dia 30 di Juni ta bira tambe e ultimo dia cu por entrega e plachinan di number na