Page 33 - KPA

Ta trata aki di Jeandrick Croes, un teenager activo di 13 aña di edad. El a splica cu e
tabata drumi normal ora el a sinti holor di huma. Pa momento cu el a lanta, e camber
tabata full cu huma caba, y e no por a ni bay den balcon.

El a coy su dos sobrinonan, a subi riba dak patras, el a rek y gara uno na su man, a
subi’e, pone sinta banda di dje riba dak y despues e otro a wordo saca di e cas, poni
riba dak, y djey a baha nan uno pa uno for di dak, na e banda unda candela no tabata
asina feroz.

Pa suerte Jeandrick no a bay scol e mainta ey! E dianan aki lesnan a mengua ya cu
vakantie ta den porta.

Kico a pasa si acaso Jeandrick a bay school. Kizas e muchanan awe, lo tabata morto of
den hospital. E mes ta pensa cu si e no a bay school, lo no tabatin ningun hende pa
rescata e muchanan aki. Pasobra muchanan chikito no sa kico pa haci. Nan no sa con
pa subi mes riba dak.

Ora cu el a baha for di e dak, ora el a core bay na otro banda di caminda, el a mira su
ruman muhe.

Jeandrick a relata, cu e mes ta coredor di bicicleta. E gusta e deporte di ciclismo, pero
awor e ta tristo como cu tur su uniform, su bicicleta, y accesorionan, tur a bay perdi.

Tog pa Jeandrick, lo importante ta cu e muchanan ta na bida y tambe e resto di famia

tambe naturalmente.

Tin di raporta cu un di e muchanan tabata tin un tiki kima na brasa y na lomba, pero
esey ta lo minimo, y e mes en general ta bon.

Jeandrick mes a sali ileso for di e candela feroz aki.