Page 37 - KPA

8 AWEMainta Diaranson, 28 Juni 2017

Esaki ta conta pa aeropuerto y waf tambe

POR ta keda para riba cu mester enforsa

control di nos frontera pa baha criminalidad

SEGURIDAD ta un di e preocupacionnan grandi di comunidad, par-
tido Pueblo Orguyoso y Respeta (POR) ta trece esaki dilanti den e Plan
di Accion cu a wordo formula a base di preocupacionnan di comunidad.
Partido AVP ta indica cu locual cu tin actualmente pa loke ta seguridad ta
suficiente y no ta preocupa cu ya tin 54 atraco cu a tuma lugar e aña aki.

POR ta kere den inversion pa sera nos fronteranan caminda cu hende,
arma y droga ta drenta via e mesun porta aki, esaki ta prioridad number
uno.
Ora cu percura pa sera nos fronteranan ta evita e tres aspectonan aki cu
ta e aspectonan cu mayoria biaha ta contribui n’e tipo di criminalidad
cu nos conoce aki na Aruba.
Nos a scucha nos expertonan y nan ta bisa nos cu e forma cu e (cuido di
nos frontera) ta hinca den otro actualmente no ta funciona, cual ta obvio.
Mescos tambe mester percura pa nos fronteranan legal (aeropuerto, waf)
tin e instrumentonan necesario. Sea ta introduci un sistema ni ESTA
aki na Aruba cu bo ta controla hende prome cu nan yega Aruba of bo ta
introduci tipo di Visa nan pa evita cu hendenan ta drenta via bo portanan
legal y keda na un forma ilegal y comete actonan di inseguridad y contra
nos husticia akinan na Aruba, asina lider di POR Otmar Oduber ta splica.

MESTER INVERTI
POR ta hopi transparente riba e hecho cu inversionnan mester tuma
lugar riba e terenonan aki. Mescos cu t’e adaptacionnan di nos leynan
pa loke ta trata e forma cu nos Cuerpo Policial ta traha, caminda cu
mester crea e respet y disciplina bek caminda cu pueblo ta respeta Polis
y Polis ta respeta comunidad di Aruba.
Esakinan ta discusionnan cu mester wordo hiba y mester actua liher
riba nan pasobra Aruba (cu nos kier of no) ta keda depende pa 92%
riba turismo di Aruba.

Seguridad ta un di e aspectonan principal cu Aruba ta logra di atrae e
turista pa Aruba. Esaki ta un motibo pakico nos ta tuma e situacion di
seguridad asina hopi na serio, Otmar Oduber a termina bisando.