Page 69 - KPA

Alvin Geerman di DOW "Nos a construi 15 verkeersplateau y
falta 35 mas pa wordo poni rond Aruba"

Tuesday, 27 June 2017 18:19
Comparti

Tres aspecto ta masha importante pa pueblo di Aruba cu ta contribui na e miho calidad di bida cu
Gabinete Mike Eman II ta traha pa ofrece: Iluminacion den tur bario, mas tanto caminda asfalta y
instalacion di verkeersplateau cu ta duna e ciudadanonan mas siguridad den trafico. Esakinan ta percura
pa Gobierno caba di cumpli cu su vision pa felicidad yega den cada hogar di Aruba.

Mientras cu e programa di Luz den bario ta sigui, awor ta trahando tambe riba e aspecto di mas siguridad
pa e ciudadanonan, construyendo verkeersplateau, unda cu ta necesario. E proyecto aki ta na encargo di
DOW, unda e expertonan a diseña e verkeersplateau basa riba e sistema di trafico di Aruba y cu no ta
costa sumanan astronomico manera tabata e caso den pasado. Riba un anochi DOW ta sali cu un team di
mas o menos 12 persona y ta traha te mainta ora cu e ultimo klinker di e verkeersplateau wordo poni.
Alvin Geerman, 1ste Project Medewerker, kende ta supervisa e proyecto tabata presente na Kolibristraat
y a splica cu e proyecto aki ta uno hopi bon pa logra baha velocidad di e autonan. Mayoria biaha e
verkeersplateaunan aki ta wordo construi mey-mey di un pida caminda largo, unda ta corta un 10 meter
cu nan ta bay traha riba dje. Ta saca e asfalt bieu, cobe un poco y despues pak e buraco.

Despues cu e capa wordo poni, ta decore cu klinkers. “Nos ta traha e verkeersplateau den un anochi. Nos
ta yega cu mas o menos 12 hende, cada ken sa su trabou. Tambe nos ta haci uzo di bobcat, jackhammer,
etc. Pa mainta e trafico por pasa normal, pasobra e trabou ta cla,” Geerman a splica. Di januari pa awo a
construi 15 verkeersplateau na diferente area di Aruba y nan tin 35 mas pa construi. “E hendenan no ta
preocupa cu e molester di trabou. Nan ta contento y tin caminda cu hasta koffie nan ta traha pa nos.”