Page 71 - KPA

Candela a distrui cas por completo na Sabana Basora: Hereo
di 13 aña a scapa bida di 2 criatura

Tuesday, 27 June 2017 18:23
Comparti

E caso di e candela di e cas na Sabana Basora Noord ta uno tristo. E famia a perde nan cas y a hera perde
nan bida. Candela a asota e cas diamars den oranan di mainta prome cu 7'or. A papia cu e doño, Vale
Croes, hunto cu su yiu homber y nos a drenta den e cas hayando asina e impresion kico a pasa den
oranan di mainta.

Un di e yiunan a scapa bida di dos criatura. Sr. Croes no tabata na cas ora cu e candela a start. El a bay
hiba un bestia abbatoir banda di 6'or y 15 di mainta. E y su yiu homber a bay yuda un amigo hiba e bestia,
lagando tur hende na soño. Ora cu e ta bayendo trabao, na stacion di gasolin, el a haya e noticia cu e cas
tabata na candela. E ora el a bay full speed cas, el a mira cu no por a haci nada mas pa e cas. Famia pafo
Croes a haya su famianan pafo, hunto cu polis, brandweer y ambulance. A yam'e mas tempran, pero door
cu e tabata mobilisando, e no a sinti su telefon ring. Candela feros Supuestamente e candela a cuminsa
abao. Brandweer y polis, a conclui cu abao e candela a cuminsa y despues cuminsa bay ariba. Tabata tin
cierto stoelnan grandi cu kisas lo a causa cu e candela a bira grandi. Nada di bela Croes a splica cu no ta
uza bela. Ta un cas nobo, pues no tin motibo di cumpra bela. E cas ta sigura, el a splica. Reaccion pa
yudansa Croes ta gradici Dios y tur hende cu a coopera. Nan a haya hopi cos berdad, sinembargo e ta
prefera pa coordina via Rode Kruis pa atende e cosnan mas miho. Heroe Tin hopi cos a sosode, caminda
cu tin heroenan den e caso aki. E yiu homber di Croes, Jeandrick Croes, kende a scapa bida di 2 mucha.
Un tin 3 aña y 4 aña. El a splica cu e tabata drumi normal ora el a sinti holo di huma.

Pa momento cu el a lanta, e camber tabata full cu huma caba. E no por a bay den balcon. El a coy su dos
sobrinonan, a subi riba dak patras, a coy uno na su man, a subi'e, pone sinta mas riba dak y despues e
otro, y djey a bahanan for di dak. No a bay scol Kico a pasa si Jeandrick lo a bay scol. Por ta e muchanan
awe, lo tabata morto of den hospital. E mes ta pensa cu si e no a bay scol, esaki no a pasa. E mes ta
coredor di bicicleta y tur a bay perdi. Topa cu famia Ora cu el a baha for di e dak, ora el a core bay na otro
banda di caminda, el a mira su ruman muhe. Contento Si e ta contento cu e muchanan ta na bida y tambe
e resto di famia tambe naturalmente. Un di e muchanan tabata tin un tiki kima na brasa y na lomba, pero
voor de rest e tabata bon. E mes a sali ileso for di e odisea. Apesar cu e cas ta sigura pa candela, toch ta un
caso lamentabel. Aunke cu algun di nan tabata herida, toch nan a sali bon di esaki. Si tin mester mes,
esnan cu kier yuda por tuma contacto cu 7466742, caminda cu por duna un aporte na e famia aki. Sigura
mente nos por bisa, Dios tabata cu no tabata tin un desenlace serio of fatal den e situacion aki.