Page 13 - ATA

REINO Diamars 5 December 2017
A9

Ladron a drenta horta Prome barco crucero despues horcan Irma

den Arubahuis PHILIPSBURG – St. Maarten a ricibi su prome barco crucero ayera desde e horcan
Irma a pasa over di e isla riba 6 di september. Asina Ret Karibense ta informa.

Ta trata di e barco Viking Sea. Riba e Boardwalk conoci di e isla e comerciantenan tabata pre-
para di trempan caba pa ricibi e turistanan. Hasta nan a habri e barnan prome cu 9 or di mainta.
Mescos cu Aruba, e isla ta biba principalmente di turismo. Un parti importante ta bin for di
e turismo crucero. St. Maarten a perde hopi bishitanan di barconan cu entre otro a desvia pa
Aruba y Corsou.

Pa motibo di esey e comerciantenan a haci nan best pa atrae mas tanto turista. Nan tabata den
spera pa e prome clientenan alrededor di 9or sinembargo na e ora ey e reportero a mira sola-
mente un pareha Mericano bieu baha. E resto di dia a sigui mas turista. Cuanto no ta conoci
pero e barco tin capacidad pa 930 pasahero. E pareha turista Mericano a indica cu no ta prome
biaha cu nan ta bishita St. Maarten y a indica cu nan lo pasa tambe den e centro, esta Front
Street pa wak con e situacion awor ta.

DEN HAAG – Diabierna atardi siman pasa un persona
masculino desconoci a drenta Arubahuis y a bay cu tas
y cartera di e recepcionista, asina nan ta informa.

Esaki a pasa entre 17:20 y 17:45 ora. Na e momento ey may-
oria di empleadonan a bay cas, pero algun di nan tabata na
oficina ainda trahando laat. Mientrastanto a duna aangifte na
polis y a pone e imagennan di e camara di siguridad na dis-
posicion di polis.
A inicia un investigacion interno cu lo mester conduci na me-
horacion di e siguridad na e entrada di edificio, segun Aruba-
huis. “Staf a pidi tur e personal pa ta alerta den e siguiente di-
anan, special na final di atardi ora ya caba ta bira scur tempran
debi na winter.”

Siman pasa nos a publica a base di un relato di minister Pleni-
potenciario Guillfred Besaril (MEP) unda e ta declara cu
Arubahuis ta den un estado deplorabel.