Page 15 - ATA
P. 15
A yega na oido di Aruba Birdlife Conservation tocante di un otro proyecto cu ta
den pipeline, pa wordo construi den e Bubali Wetland. Esaki ta bayendo den tur
secresia.
E informacion ricibi ta cu e proyecto ta di 5 mil meter cuadra y lo wordo construi
ariba un “Groen Gebied” (area natural) manera describo den e Ruimtelijke
Ontwikkelingsplan (R.O.P.). Esaki ta contra ley.
Investigacion a mustra cu e pinnan ya caba a wordo poni na e area, incluyendo
e ‘Groen Gebied’. Esaki ta un di e 16 areanan cu Parlamento a destina pa forma
parti di Parke Nacional Arkikok. Dus, e locacion di e proyecto, no solamente ta
bay contra di e R.O.P., pero tambe contra di e deseonan di Parlamento.
E compania cu a wordo uza den e proyecto aki ta Ace Engineering.
Ex-minister Sevinger cu asistencia di Abath, a sabiendas cu e locacion aki ta
‘Groen Gebied’ segun e ordenansa di R.O.P. toch a bay door cu e proyecto aki.
Esaki ta e di tres proyecto bandi otro cu ta causa dañonan grandi den e area di
naturaleza aki, internacionalmente reconoci door di Birdlife International como
un area di Parha y Biodiversidad.
Aruba Birdlife Conservation ta haci un peticion na tur ciudadano cu tin cualkier
informacion tocante e proyecto y su desaroyador, pa duna esaki. Anonimato ta
garantisa!
ABC lo bay Corte pa purba na para e proyecto aki y asina causa mas daño na e
Bubali Wetland area.
