Page 9 - Newspaper Clippings KPA Jan 13, 2015
P. 9
Pagina 12 Diamars Januari 13 2015
Pickup a pega candela despues di dal contra muraya di
Stadion Crismo Angela, ex - Winston veld
Dialuna mainta pa
mas o menos 11’or
Polis Ambulance y
Brandweer a bay na
altura di ex - Winston
Veld. Aki a sosode
un accidente y e
auto a pega candela.
Personanan den
vecindario cu a waak
kico a pasa. Mesora
a saca e chauffeur,
pasobra e motor a pega
candela.
Testigonan na e sitio
a conta cu e pickup,un
Ford Ranger tabata
biniendo for di zuid,
cu velocidad hopi
halto. E chauffeur
aparentemente tabata
‘’dim bright’’ e trafico
contrario,esta pa nan
hala pasobra e tabata
biniendo cu velocidad
halto. Dado momento
e no por a haci nada
mas y a haye ta kita
na su man robez. Aki
el’a ranca un mata y
despues bay pega den
e rooi contra e muraya y
un mata di kwihi. E auto
a pega candela, esta e
motor. Brandweer cu a
yega mesora a cuminsa
na paga e candela. E
chauffeur mes a wordo
poni otro banda di
caminda y personal di
Ambulance a atend’e.
Despues di un rato
nan a transporte pa
hospital. Mirando con
e auto a keda, e tabata
tin hopi suerte cu el’a
keda levemente herida.
