Page 13 - MIN TTC 29 OCT 2015

AWEMainta Diahuebs, 29 Oktober 2015 33

Na Hilton Aruba Caribbean Resort & Casino

Anochi di Red
Carpet pa Aruba
Toastmasters Club

E CAPITULO Arubiano di e

popular Toastmasters Club a bin
hunto recientemente pa un Reunion
Educacional den Ruby Room na Hilton
Aruba Caribbean Resort & Casino.
E organisacion, determina pa
transforma su miembronan den
oradornan publico cu confiansa y
lidernan fuerte, ta provee un ambiente
di sosten unda nan ta siña dor di haci,
cual ta permiti miembronan pa logra
nan meta segun nan confortabilidad.

E anochi tan disfruta na Hilton Aruba
Caribbean Resort & Casino a conta cu e
tema di Anochi di Red Carpet, y a sirbi
pa celebra Toastmasters International
su di 91 aniversario.
Conoci como Toastmasters’ Day riba
dia 22 di october, mas di 332,000
miembro rond di mundo ta bin hunto
pa oportunidadnan educacional,
mehorando nan habilidadnan di
liderasgo y discurso publico dor di
participa den un di e 15,400 clubnan
na 135 pais cu hunto ta forma e red
global di sede di reunion.

Aruba Toastmasters Club ta reuni cada
di 2 y di 4 diahuebs di e luna, na Scol di
Arte na San Nicolas di 7pm pa 9pm, y
e ta yama bon bini na tur hende como
un invitado, cu un invitacion habri pa
tambe bira un miembro y cambia nan
bida, despues di a adkeri expertico
importante, fiel na nan mision di
empodera sernan individual pa bira
comunicador y lidernan mas efectivo.