Page 4 - AHATA
P. 4
4 LOCAL AWEMainta Diabierna, 17 Mei 2024
Denzel Dumfries cu multa di 4000 euro
AYERA e federacion Italiano di futbol, a
manda un regalo pa tanto Denzel Dumfries
como su ekipo di Inter Milan, relaciona c’un
incidente cu e federacion a considera algo
inaceptabel.
Durante di e wega decisivo caminda Inter Milan
a sigura e titulo di campeon den partido contra
di AC Milan, na final di e partido Dumfries y
e marcado di punta di AC Milan, e Frances
Theo Hernandez, a pusha un ranca otro loke
a pone cu nan tur dos a wordo expulsa for di
e partido.
Durante di un parada den cayanan di Milan
siman pasa, hungadonan di Inter Milan a
wordo ricibi pa miles di fanatico den cayanan
di e ciudad Milan y durante di e locura aki, un
fanatico a duna Dumfries un pancarta cu riba
dje Dumfries c’un cacho na cadena.
Nada malo por e problema a bira ora cu e
fanatico a dicidi di pone un cabes di Hernandez
como e cabes di e cacho, ilustrando cu Inter
Milan a domina AC Milan.
Algo inaceptabel y tanto Dumfries como su
club Inter Milan a ricibi multa p’esaki y ambos
tin cu paga e suma di 4000 euro.
