Page 6 - AHATA

10 LOCAL AWEMainta
Un yamada na accion
Descubriendo aceptacion
di violencia domestico
VIOLENCIA domestico, un problema grave y generalisa, ta sigui persisti no sola-
mente debi na su repercusionnan fisico y emocional, sino tambe pasobra, den
un grado preocupante, sociedad parce ta trat’e como “normal.” E aceptacion aki
profundamente yena di violencia domestico, ta trece pregunta urgente riba pakico
hopi individuo y comunidad ta tolera tal comportacion urgente riba pakico hopi indi-
viduo y comunidad ta tolera tal comportacion y kico mester haci pa cambia e norma
peligroso aki.
Normalisando lo inimaginabel
Ta un realidad incomodo cu violencia domestico, den su diferente formanan, hopi
biaha ta normalisa of ta ignora. E normalisacion aki por manifesta di forma sutil
manera trivialisa e comportacion agresivo, falta importancia n’e abuso emocional of
hasta culpa e victima. E normalisacion aki ta sosode pa diferente rason, incluyendo
e falta di consciencia, factor cultural, miedo y concepcion eroneo riba e dinamica di
poder den relacion.
Falta di Consciencia
Un factor significativo cu ta contribui n’e normalisacion di violencia domestico ta e
falta di consciencia. Hopi hende por ta no reconoce e señalnan di abuso of e alcance
completo di su impacto. E ignorancia aki por hiba p’e espectadornan no interveni of
cu e victimanan ta permanece den silencio atrapa den nan sufrimento.
Factor cultural
E normanan cultural y creencia tambe por desempeña un papel den e perpetuacion
Diabierna, 17 Mei 2024
di violencia domestico. E expectativanan social y e
rolnan di genero tradicional por hiba cu e person-
anan acepta e comportacion controlado of abusivo
como parti di nan relacion, pensando cu ta “normal”
of hasta hustificabel.
Miedo y aislamento
E victimanan di violencia domestico hopi biaha ta
atrapa den un ciclo di miedo y aislamento. Nan abus-
donan por eherce control aislando e victimanan di
amigo y famia, loke ta dificulta busca ayudo. Miedo
na represalia, daño of repercusion legal tambe por
disuadi e victimanan di denuncia.
Concepto eroneo riba e dinamicanan di poder
E conceptonan eroneo di sociedad riba e dinami-
canan di poder den relacion ta contribui n’e normal-
isacion di violencia domestico. Algun ta kere cu e
comportacion controlado di e pareha intimo ta un
forma di amor, locual ta leu di ta berdad. E idea cu
violencia ta un señal di amor of proteccion no sola-
mente ta incorecto, sino peligroso.
Kibrando e silencio
Normalisacion di violencia domestico den sociedad
ta un problema profundamente grave, cu ta rekeri
esfuerso proactivo pa atende. Reconoce e señalnan
di abuso, ta ofrece sosten n’e victimanan y educa e
personanan riba relacion saludabel ta paso esencial
pa kibra e ciclo peligroso aki.
E organisacionnan, trahado social, educado y
defensor ta traha incansablemente pa crea consci-
entisacion y proporciona recurso n’esunnan afecta
p’e violencia domestico. Door di reconoce e prob-
lema e problema, facilita discusion habri y crea
espacio sigur p’e victimanan comparti nan storia,
nos por spera desmantela e nocion dañino cu
violencia domestico ta “normal.”
Violencia domestico ta un problema social cu ya no
mester ignora ni acepta como “normal.” Ta imper-
ativo cu nos ta ilustra riba e problema, educa nos
comunidadnan y brinda recurso na esunnan cu tin
mester. Door di atende e problema aki “head on,”
nos por traha p’e creacion di un sociedad mas sigur
y compasivo caminda cu violencia domestico ta
wordo condena na luga di acepta.