Page 5 - dept. impuesto

Cu Gabinete Wever Croes Come Malo Mes Ta

Sumamente Dificil Pa Pueblo Paga

 Local
- 30/10/2019

Mike de Meza, miembro di fraccion di AVP a mustra durante conferencia di prensa cu e
inflacion causa pa Gabinete Wever Croes, ta tumando limitenan hamas bisto
anteriormente, hasta pio cu e tempo cu otro Gobierno di MEP, esta Gabinete Nelson
Oduber a haci mesun cos entre 2001 pa 2009.

Medida riba custia di pueblo, ranca placa for di cartera di pueblo, cu e promesa cu cosnan
lo drecha, pero cu na final di cuenta ta pueblo a sali esun perhudica, sr. de Meza a mustra
y caminda solamente e ‘inner circle’ di e Ministernan actual, t’esnan cu ta biba bon.

“T’e hendenan aki so ta halando rosea bon, ta nan tin placa den cartera y por haci loke cu
nan kier, ya cu ta placa cu a ranca di pueblo ta pagando e luho di e “friends and family di
Gabinete Wever Croes.

Ya caba ta conoci cu inflacion na Aruba ta yegando 5% y e situacion aki ta for di
momento cu Gobierno di coalicion a drenta dia 24 di november 2017 y manera cu aña
2018 a habri, por a mira cu tur prijs di productonan a cuminsa subi.

Casi por drenta un supermercado y mira con productonan ta zweef den aire ya cu ta subi
e prijsnan ta subi ya cu e maneho di Gabinete Wever Croes, no tabatin otro solucion pa
pueblo, cu t’esun di impone medida cu aumento di BBO y BAZV cu a crea un situacion
sumamente dificil pa pueblo.