Page 9 - dept. impuesto

Ya caba aña pasa a cuminsa cu preparacion di e prome fase, mientras cu e aña’ki na luna

di april a sigui cu e di dos fase, cu ta encera e parti pa e cliente por yena su formulario di

impuestonan y entrega esaki digitalmente.

E directora a splica cu e sistema di funciona di DIMP ta cu na momento cu nan ta haci

cambionan, ta informa su clientenan di esaki. Asina nan tabatin nan prome fase, di cual a

informa e clientenan tambe, cu tabata e parti cu e contribuyente por entrega su carta di

“bezwaar” riba cobransa di impuesto di forma digital.

Dimp tin experiencia cu clientenan ta keha di e oranan largo cu nan mester para den fila

pa entrega di nan formularionan y djis haya un papel cu ta mustra cu a entrega esaki. Un

sistema poco eficiente y cu no ta uza mas na paisnan moderno.

Directora di DIMP ta hopi orguyoso di e team di 59 trahado cu a traha riba e proyecto

aki. A yega asina leu cu ta bay cuminsa cu e sistema di pre-registro riba e portal online cu

a haya e nomber di “Bo Impuesto”. “Esaki ta un stap hopi grandi den historia di e

departamento.”

E sistema nobo ta uno hopi eficiente cu ta yuda kita e efectonan negativo ora ta trata di

otorgamento y entregamento di formularionan di impuesto. Pues cu e sistema aki ta crea

eficiencia. Si analisa e cantidad di formulario cu ta entrega semper, e ta tuma hopi tempo

pa e 12 empleado hinca esakinan den e sistema digital. E forma ey por crea cu ta causa

erornan mientras cu e tempo di espera pa entrega e formulario ta fastioso pa e cliente. A

base di esey a crea “Bo Impuesto”.

No solamente e ta crea mas eficiente, pero e sistema ta crea efectonan positivo cu e

clientenan ta cumpli mas facil cu nan debernan fiscal. Pa Gobierno tambe e ta crea

entrada na tempo.