Page 18 - ARUBA BANK

Proyecto integra di studiantenan di tercer

aña di FEF

ORANJESTAD(AAN)— Tur aña e Facultad di Economia y Finansas (FEF) di Universidad di
Aruba ta organisa e asina yama “proyecto integra” pa su studiantenan di tercer aña.

Den e proyecto aki e studiante ta aplica e diferente disciplinanan cu el a siña den e
añanan anterior, den practica.
E aña aki e tema tabata “Entrepreneurship & Innovation”. E companianan cu e
studiantenan a inventa y duna forma, no mester a djis genera un rendimento pa e

inversionista, pero tambe pa comunidad. E funcion social y e aporte positivo na medio
ambiente tabata mes importante cu e futuro ganashi di e companianan.

Den team di cuater pa cinco persona e studiantenan a elabora un business plan pa un

compania nobo. Den e prome siman a crea e concepto di e compania y den e siguiente
simannan a sigui profundisa e concepto aki gradualmente cu tur e elementonan cu ta
pertenece na un business plan, manera un analisis di e mercado, un analisis di e
concurencia y un modelo financiero completo.

E aña aki pa prome biaha a lansa tambe un version internacional di e proyecto. Seis
studiante di Aruba a traha den grupo hunto cu studiantenan di Hanze Hogeschool
Groningen (Hulanda) y di Belgorod State University (Rusia) na un business plan pa un

compania internacional cu lo mester a start den un di e tres paisnan y cu despues lo
por a sigui upscale, esta sigui amplia su actividadnan empresarial pa mas parti di
mundo. Durante e proyecto a tene diferente workshop y encuentro di grupo den un