Page 10 - KPA AUG 27,2015

14 AWEMainta Diahuebs, 27 Augustus 2015

Segun Fraccion di MEP

Aruba ta
atravesando
momentonan
HOPI TENSO

Malcontento tur caminda

FRACCION di MEP ta bisa cu e malcontento di

cuidadanonan di nos pais ta wordo sinti tur caminda.
Tur cos a bira caro, mientras cu e Gobierno aki a priminti
di elimina BBO.
Hopi famia ta bibando den pobresa. Nos grandinan no
ta hayando e cuido cu nan mester haya, y tampoco e
cuido di salud.
Aruba a para bira un pais masha insigur, y ni con duro e
miembronan di nos Cuerpo Policial actua, e decadencia
di e ultimo 6 anjanan, ta wordo sinti tur caminda.
Nos muchanan ta hayando enseñansa bou di
condicionnan y calidad inferior, apesar cu e docentenan
ta hasi nan maximo esfuerzo.
Hopi ex studiante no por paga nan debe di estudio bek.
Y e edad di hobennan adicto na droga ta birando cada
biaha menos.
Y den tur e problemanan social aki, nos tin un Gobierno
cu a perde tur clase di credibilidad.
Un Gobierno cu a gana eleccion cu promesanan falso,
promesanan cu e tabata sa cu e no por cumpli cu nan. Un
Gobierno cu a tuma decisionnan politico y asina a hinca